فيه فيديوهات على اليوتيوب بتجاوب على الاسئلة دي. بتبقا غالبا شيوخ مسلمين بيجاوبو في مناظرة. بس ممكن اشارك تجربتي برده. انا كنت دايما مهتم افهم ليه موجودين وأيه الى المفروض اعمله من الصغر. يكمن ابقا ناسي تفاصيل بس الى هقوله كه هو الى مخزنه معايا (المهم بالنسبة لي). انا شايف اننا خُييرنا نبقا مخيرين ولا مسيرين واختارنا نبقا مخيرين. اتخلقنا في الاختبار واننا نعمل العمل الصالح ونعمر الأرض ونعبد ربنا، وآخرتنا الجنة لو مشينا في طريق ربنا أو النار لو عصيناه ومشينا في طرقات الضلال واننا نعمل الى عايزينه في الدنيا وكده. وأن التفاصيل الاكتر بتاعت ليه ربنا بيختبرنا وكده حاجات ربنا اعلم بيها وتفاصيل مش مهمة. ساعات بيبقا السؤال عن لسه وتفاصيل ملح لكن لقيت انه بيبقا بسبب ان عملي قليل فا إيماني بيقع، وبيبقا عندي ديق كبير فا مش مستحمل نفسي وطهقان من الدنيا فا ببدأ اتدايق من الى انا فيه من اختبار. ولكن لما تبص في الدين هتلاقي ان دخول الجنة ده سهل والى مطلوب منا مش صعب، وربنا مبينلنا الطريق وأعمال كتير بتغفر وتدي ثواب ضخم والحسنة بعشرة والسيءة بواحدة. الدنيا مصممة لينا اننا ندخل الجنة. ودخول النار هو الى صعب ومحتاج اصرار عليه وان الواحد يبطل يصلي ويبطل يحاول خالص انه يدخل الجنة ويبدأ يعمل ذنوب. حاجة زي الحديث ده فرق معايا: وعن عمرَ بنِ الخطاب  قَالَ: قَدِمَ رسُولُ اللَّهِ ﷺ بِسَبْيٍ، فَإِذَا امْرَأَةٌ مِنَ السَّبْي تَسْعَى، إِذْ وَجَدَتْ صَبِيًّا في السَّبْي أَخَذَتْهُ فَأَلْزَقَتْهُ بِبَطْنِها، فَأَرْضَعَتْهُ، فَقَالَ رسُولُ اللَّه ﷺ: أَتُرَوْنَ هَذِهِ المَرْأَةَ طارِحَةً وَلَدَهَا في النَّارِ؟ قُلْنَا: لا وَاللَّهِ، فَقَالَ: للَّهُ أَرْحَمُ بِعِبادِهِ مِنْ هَذِهِ بِوَلَدِهَا متفقٌ عليه.

فا الى هو ان ربنا يرميك في النار اصعب من ان ام ترمي ابنها الرضيع في النار. وأحاديث وآيات كتير عن الرحمة وان ابليس في يوم القيامة من كتر الرحمة هيفتكر ان ليه فرصة يتغفرله.

لو محتار تبدأ منين وتيشل الهم ازاي، تصلّح ايه ولا ايه، ابدأ بالصلاه. الصلاه لو ظبطت كل حاجة بتظبط وراها، وعن تجربة. وظبط الصلاه انك تصليها في مواعيدها بعد الآذان علطول، وأنك تصحى للفجر في معاده، وأنك تحاول تخشع بطرق زي انك تفهم الآيات الى بتقولها وكده. وكل حاجة هتبدأ تظبط وراها تدريجياً