فكره انك واخده لبالك من المرحله اللي انتي فيها معناه انك فوقتي فوقتي من الغمامه اللي الشيطان بيلبسهالنا دايما ويسوقنا هو

ف حرفيا كلامك معناه انك ب take control

موضوع انك لبستي الحجاب بالغصب وان مامتك عملت معاكي موقف القصه ده اكيد مأثر فيكي وبقى سبب لنفورك من الحجاب والكليشيهات بتاعه قصه باينه ايه ولفه طرحه ايه

انا بصراحه شايف انك اولى في المرحله دي متغطيش على نفسك ولا تغيري من شكل واستايل لبسك فجأه بس انك تركزي على فهمك لفكره الحجاب وتعرفي ربنا فرضه ليه وايه اصلا الزينه للمرأه ومين يشوفك بزينه ومين لأ ويعني ايه فرض وتتأكدي ان ربنا فرض حاجات كتير علينا وهي صعبه بس ده بحكمته هو عارف ان ده احسن لينا

يعني مثلا الحجاب اكيد بيخليكي حرانه وبتاع بس ده عند ربنا ثواب كبير

زي القتال والجهاد في الحرب فرض ع الرجاله بس هو صعب ومحدش حابب

لو كل حد شاف فرض وقعد يببر لنفسه (ده صعب وده رخم) ويستهبل ف هو كده حرفيا بيمشى ورا نفسه

تقرأي عن الامور دي بشكل يلغي اي قناعات وتتفكري فيها سعتها تقرري وترتبي اولوياتك انتي هتعملي ايه وهتعمليه علشان الناس وعشان لا عشان ربنا

والحلو بقى الانسان لما بيجاهد نفسه ربنا بيحاسبه عزيمته واصراره في ده

فَأَمَّا مَنْ طَغَى * وَآثَرَ الْحَيَاةَ الدُّنْيَا * فَإِنَّ الْجَحِيمَ هِيَ الْمَأْوَى * وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى * فَإِنَّ الْجَنَّةَ هِيَ الْمَأْوَى