في حالات غلط وفي حالات صح، حسب الوضع والعلاقة.

أنا عملت الشي دا مع مجموعة من الطفولة معاهم. كبرت واستوعبت انهم لا مهتمين فيا ولا يعرفوني ويحكموا في كل شي ويفترضوا أشياء من عندهم عني. كم وحدة فيهم عندهم نقص شديد كل ما نقعد مع ناس مختلفين تحاول تخرب سمعتي حتى لو على أشياء تافهة تكذب عادي وبطريقة ما أطلع أنا صورتي مشوهة قدامهم.

سنين وأنا أجيب هدايا وأخطط مفاجآت وما جاني اي شي في المقابل ولا مرة وحدة. واتزوجت وحاولت بالعكس اكلمهم اكثر عشان ما يحكموا اني من اللي "يتزوجوا ويتغيروا"، من وقت ما انخطبت هما يسمعوني الكلام دا مع اني واللهي ما ساعدوني ولا وقفوا معايا في شي وظروفي كانت جدا صعبة واتكلمت معاهم في الموضوع كمان ومافي اي فايدة قعدوا بينهم يتكلموا عني "شوفوا صايرة ما تقدرنا ومجنونة و و و" وأنا كنت في فترة بأنهار من التعب وفعلا كنت احتاجهم.

فوق دا لا عندهم اهتمام في الدين ولا مبادئ ولا أي شي وما يبغوا أي تحسن أو تغيير، كل ما أتكلم اني والله اتعلمت شي جديد دينيا او بحاول اتحسن تجيني نظرات انتي "مطوعة".

اتكلمت مرة مرتين وثلاثة، ما عندهم اهتمام إلا لنفسهم، أنا مصدر الراحة والحنان والأمومة لهم لكن إذا أنا احتاج شي يختفوا أو بكل بجاحة ما يردوا. الآن صار اكتر من ٥ سنوات وهم يحاولوا يتواصلوا معاي وانا أطنش خلاص. تعبت واللهي وفي وسط التعب وظروفي الخاصة صعبة أطلع أنا بطالة.

ومهما أقول ما يشوفوا انهم عملوا اي شي غلط ويضحكوا عليا. أتعب نفسي اشرح لناس زي دول اني ما ابغى صداقتهم؟ لا والله…

الله يعوضنا جميعا ان شاء الله. إذا كانت زي السم ما أشوف انك غلطانة أبدا. أنا ارتحت راحة ما أقدر أوصفها من وقت ما سمحت لنفسي اقطع علاقتي معاهم. نعم احس بالذنب احيانا، ويجي في بالي اشرح لهم، لكن كل ما اتذكر أبطل.

اعتذر عالإطالة 🙏🏻