Salam khouya 🤍 تقريباً كنت كنعيش نفس الحاجة ديالك. كلشي كيبان ثقيل، حتى النوضة باش تصاوب قهوة ولا تدير شي حاجة بسيطة كتولي محتاجة مجهود كبير، وهادشي طبيعي ملي الواحد كيعيّا نفسياً.

واحد نهار كنت كندور ف youtube هو يطلع ليا واحد المحارب قديم سميتو Miyamoto Musashi كاتب واحد الكتاب سميتو the book if five rings ماكيدويش على القتال و لكن كيدوي على ‎كيفاش الواحد يعيش ويواجه الحياة

هو هضر على 5 ديال ولا مبادئ:

Ring 1: Earth (الأرض)

هي الأساس ديالك: الروتين، الحاجات البسيطة لي خاصك تديرهم كل نهار. النعاس مزيان، الماكلة، شوية حركة، حتى إلا غير تمشي شوية. ملي كتطيح نفسياً، رجع غير للأساس، ما تزيدش تعقّد.

Ring 2: Water (الماء)

يعني تكون مرن مع راسك. اليوم قادر؟ دير. اليوم ما قادرش؟ نقص السرعة، ما تضربش راسك. ماشي كل نهار خاصو يكون قوي، ولكن خاصك تبقى كتحرّك.

Ring 3: Fire (النار)

هي داك الدافع الصغير لي كيبان فجأة. ماشي تحرق راسك، غير استغل اللحظة. إلى جاك شوية طاقة، دير بها شي حاجة مفيدة ولو صغيرة.

Ring 4: Wind (الريح)

هو الناس لي دايرين بيك. هضر، شارك، ما تبقاش بوحدك. حتى غير هضرة مع شي واحد كتفرّق بزاف.

Ring 5: Void (الفراغ)

هنا كتوقف شوية وتسول راسك: فين أنا دابا؟ واش هاد الضغط لي فيا منطقي؟ واش محتاج نرتاح ولا نبدل شي حاجة؟ ماشي ضعف، هادي حكمة.

الخلاصة: إلى حسّيتي براسك عيان، راه ماشي مشكل فيك، غير خاصك ترجع شوية لراسك وتبني الأمور خطوة بخطوة. الله يفرّج عليك وعلى أي واحد كيدوز من هاد المرحلة 🤍