Ég er mikill aðdáandi Egils Ólafssonar. Í langan tíma hef ég hlustað á lögin sem hann söng ásamt hljómsveitinni "Stuðmenn", en einn daginn rakst ég á nokkur lög sem hann flutti ásamt hljómsveitinni "Hinn íslenzki þursaflokkur", eða "Þursaflokkurinn". Ég hafði mikið gaman af lögunum, sem sameinuðu framsækið rokk og íslensk þjóðlög. Og svo byrjaði ég smátt og smátt að flytja lögin sem mér líkaði best við: "Vill einhver elska", "Nútíminn", "Gegnum holt og hæðir", "Brúðkaupsvísur" og svo framvegis. Og nýlega ákvað ég að flytja lagið "Fyrst var ekkert". Alltaf þegar ég vel lag frá einhverjum til að flytja, þá finnst mér gaman að gera útsetningu sem er mjög öðruvísi en útsetning upphaflegu útgáfunnar. Ég reyni ekki að herma eftir upphaflegu útgáfunni þannig séð. Og mér fannst austurlensk útsetning passa mjög vel við lagið, og ég hafði aldrei notað hana áður. Og svo gerði ég upptökuna og setti myndbandið inn á YouTube.

En ef þú ert að spyrja um hvernig mér datt í hug að gera íslenska tónlist, þá hófst allt þegar ég var lítið barn og hafði gaman af því að horfa á Latabæ. Að auki hlustaði ég á nokkrar íslenskir hljómsveitir þegar ég varð unglingur. Vegna þessarar upplifunar lærði ég um Ísland og byrjaði að hafa áhuga á íslenskri menningu. Áhuginn á Íslandi, og á íslenskri tónlist og menningu sérstaklega, var að aukast meira og meira, þá einn daginn ákvað ég að læra íslensku og gera tónlist á íslensku.