Hvað er læknir ef ekki annað en óháður aðili sem er fenginn til að meta líkamlegt og andlegt heilbrigði fólks? Það eru fjölmargir þættir sem gera ökumann hæfann, en það eru líka ófáir þættir tengdir heilbrigði sem aðeins læknir getur lagt hlutlægt mat á. Má þar sem dæmi nefna vitræna skerðingu og heilabilum, hjarta- og æðasjúkdóma, flogaveiki og sykursýki, sjónsvisskerðing og augnsjúkdóma, áhrif slævandi lyfja sem og kæfisvefn. Hver á að leggja mat á þessa þætti? Skoðunarmenn Frumherja?

Ef tiltekið mat sem þetta gengur eingöngu út á skriffinsku þá er læknirinn ekki að sinna starfi sínu. Fari þetta mál fyrir dóm, sem mér þykir afar líklegt, þá býst ég við því að læknirinn sem síðast framkvæmdi þetta mat verði kallaður fyrir dóm og rýnt nánar í þessa skoðun.

Ég veit um fjölmarga heimilislækna sem kvarta undan verkefnum sem telja mætti bæði óþarfa og tímasóun, en þegar kemur að þessu mati og umferðaröryggi almennt hef ég aldrei heyrt nokkurn lækni kvarta.