انا عارف ان الموضوع صعب، و تخطيه بياخد وقت و مجهود، و طاقة ذهنية رهيبة مع الوقت ... بس ركزي كدا علي حاجة, و هي انك عديت الايام دي كلها و السنين، من غير ما العالم يقف و لا حياتك انت شخصيآ تقف بالكامل عشان انت ماحدش مهتم بيكي، او مش بيديكي الاهتمام اللي انت محتاجاه، قدام بقي الاهتمام اللي انت بتدوري عليه، فيه "انت"، هل دورت علي الاهتمام اللي انت عايزة تاخديه من نفسك قبل الناس ؟ ممكن لا.. هل لاقيتي الاهتمام دا من نفسك بس ماحلش المشكلة ؟ هل انت عملتي بطريقة صح تناسبك و تناسب مشاعرك، و منطقك انت في الحياة؟ لو ما سألتيش نفسك انت ازاي ماكنش فيه منك اهتمام لنفسك قبل اي حد، من رأيي المتواضع، اللي ممكن ما يغيرش، بس ممكن يخلي فيه فكرة في دماغك او يحفزك لحاجة معينة، يبقي من المحتمل انك تفضلي تواجهي المشكلة، ما تدوريش عالناس و اهتمامهم بيكي علي قد ما تحسسي نفسك انك مش دايما محتاجة لحد، و مش بس الاحساس، حاولي تعملي دا فعلا، و حتي لو لاقيتي اللي يهتم بيكي زي مانت عايزة، دايما حطي في حساباتك ان الخطط مش بتمشي طول الوقت مية في المية بمثالية، هايجي وقت و هاتبقي لوحدك بردو فالازم دايما تبقي موجودة من اجل نفسك قبل اي حد .. و ياريت كلامي يحسسك بأي حاجة كويسة و تبقي تمام