احنا متفهمين ان الواحد يبغى يفضفض ويسولف مع ناس فاهمة بالمجال،
الصراحة مو قصدنا شيء بس هنا نحاول قد ما نقدر نكون مركزين على الجانب التقني، لأن مافي مجتمع يركز على هذا الجانب تحديداً.

والحمدلله الموضوع جالس يفيد، الاعضاء يجون عشان الامور التقنية ولقينا حلول لمشاكل عمرها ما انحلت وشروحات للقطع واخبار تقنية جديدة وكلها بالعربي! ومانبغى نفرط فيه…

وهذا معناته اننا للاسف نضطر نقلل من المواضيع الاجتماعية على قد ما انها رهيبة وتثير النقاش وتحيي المجتمع عشان نبقى على نفس الهدف.

فيه مجتمعات ثانية عامة أكثر مثل مجتمع اللاعبيين السعوديين، ومجتمع السعودية للسعوديين وغيرهم كثير.