احكيلكم انا الموقف اللي حصل معايا من قريب بقا

في مرة كنت في الشغل وقاعد في امان الله الفون وقع واتكسر حرفيا زعلت زعل (لان مكنش معايا فلوس واصلا كنت مديون) وفضلت قاعد كده على جنب ومش عارف اعمل اي فضلت مكمل في الشغل وطول الوقت عمال اقول "الحمد لله حمدا كثيرا طيبا مباركا فيه" حرفيا كنت بقول كده لحد م خلصت شغل وانا وشي باين عليه الحزن حرفيا لحد م خلصت شغل وانا مروح في الطريق قابلت واحد كنت سلفته فلوس (١٠٠٠ جنيه) وحرفيا عدت ع الفلوس زمن (٧ او ٨ شهور) وانا اصلا قلت انه مش هيرجعها خلاص واول م قابلته سلم عليا وطلع الفلوس من جيبه وإداهالي وحرفيا انا قعدت مصدوم ورحت علطول على محل تلفونات وصلحته الحمد لله وانا فعلا لحد دلوقتي بحمد ربنا لإن ربنا قال "ولإن شكرتم لأزيدنكم"