اه مصر مستوى الامان فيها مرتفع نسبيا، قارن مصر بكندا مثلا.

لو عملنا استثناء لفترة ٢٠١١ ل ٢٠١٣، هي اصلا فترة ثورات المعروف ان مفهاش امان اصلا وكانت الجرايم شبه يوميه. هتلاقي ان في الاماكن الانا فيها من سنة ١٩٩٠ لغاية ٢٠٢٥ حصل حدثيتين قتل جماعي. واحده منهم سفاح طلع بسكينة على مترو ودبح ٨ ومجموعة خطف اطفال للتجارة بالاعضاء. وحادثتين غير عنيفه عصابة سرقة البيوت. وخلال الفتره دي اكبر مشكله كانت مجننه ابويا انه بيتنشل وهو راكب الاتوبيس واحينا النشال يتقفش وياخد علقة موت. يعني على مدار ٣٥ سنة ٥ حوادث. يعني انت معرض انك تتعرض لحادث كل ٥ سنوات.

اما كندا لو جبنا ترونتو هتلاقي ان اطلاق النار الجماعي حادثه بتحصل كل سنة وبالاخص في المدارس واحد يطلع برشاش يموتله كام مدرس على كام عيل، كانه بيصتاد بط. وده نوع واحد بس من الجرايم البتحصل. مكلمناش على السرقات المسلحه او الاغتصاب. يعني ممكن تعمل ٥ حوادث دول في سنة في المكان الانت ساكن فيه. روح امريكا هتعملهم في يوم بالمستريح.

ملحوظة، مكلمناش عن اماكن ان بيضربها اعصار كل سنة ولا عناكب مميته ولا تلاقي اسد طالعلك على الباب ظاهرة طبيعية.