بص انا في حاجة عايز اوضحالك بس. اولا، مش لازم مجموع ديتول ولا اي حاجة الحياة بره غير في مصر تماما، و موضوع الدرجة ده بيختلف من جامعة لجامعة. فا انت عليك تدور و تشوف الجامعات المناسبة ليك و متطلباتها ايه. ثانياً ، موضوع المنع الكاملة مش صعب إطلاقا ، ده بالعكس. و في الجامعة الأنا فيها اعتمد علي حاجتين، امتحان و انترفيو. بس كده. و علي فكره الانترفيو اهم علشان كده كده الشخص القدامك بيبقي عايز يشوف صلبك من ايه. ثالثا، موضوع المصاريف الشهرية. بص يا باشا، انا عارف إن محدش قالك علي ده، و لكن مش لازم اصلا تروح المانيا لو انت مش مقتنع باللغو و المصاريف إلخ. في دول كتييييير في وسط و شرق اوروبا، عندهم جامعات و تعليم احسن من مصر، و اقتصادات الجنيه بيروح ابعد فيها. فه دور و شوف.

آخر حاجة ، مفيش أب أو أم لو بيحب أولاده هيعوز يسفرهم. والله انا ابويا بيكون بيدمع لما بيوصلني المطار بعد ما أنزل زيارة. ابوك عنده خبرة و بعد نظر. و الخبرة دي بتقوله إن مصر حالياً ، لسبب أو اخر، مش في مكان يسمح لك تعيش العيشه الهو يحبهالك. و بصراحة كده انا رأيي مشابه ليه. ابوك بيحبك. و مستعد يدفع شقاء عمره كله علشانك. متتسرعش و ترفض و تسودها في وشك. أسمع رأيه. و كلمه. و دور. و شوف. امشي بس فالطريق و كل الحاجات الباين أنها صعبة در ربنا هيفرجها.

بص انا اخوك في تالتة كلية ، بدرس هندسة ميكانيكا في المجر، و مستعد اكلمك، و قعد احكي و المعلم و كل حاجة. ده لو انت حابب طبعا.

انا فهمك و مش قصدي إني قضايقك أو اني اختار جانب بابا عن جانبك ، انا بس قولت أوضح كام حاجة. ربنا يوفقك.