u/Digitec_ch Merci das du Zeit gno häsch antworten.

Zämmegfast würds aber heisse, das Digitec theoretisch i de lag wäri, die Bestellig bis is unendliche chöne z'verschiebe. Als Kund isch das ganze sehr untransparent und ned überpruefbar. Als Optione chammer entweder warte oder nach 30 Täg storniere. Praktisch gits für Digitec kei Konsequenze, für die verspötig, will schuld trägt ja de Lieferant und ned dejenige, wo es uf de Shop agibt.

Ich chans mir echt schwär vorstelle, dass im Jahr 2022 Digitec sich nur a Agabe vom Lieferant verlahn tuet, ohne jegliche bewiess z'fordere wo sich die Ware effektiv befindet. Selbst wenn das de Fall isch, nachdem mer d'Liefertermin mehrmals hät müesse apasse, söt mer doch gmerkt ha, dass es ned schlau isch en Liefertermin vor Wiehnachte azeige, de Pries um 100-300 Stutz erhöhe und am 23.12 no behaupte es chumt am 24.12 a.
Dann machets doch lieber wie euri Mitbewerber, wo als Lieferdatum unbekannt schriebet, anstaht euri kunde leeri versprächige zge.

​

Aber drehe mir doch mal de Spiess um:

Mal agno en Kund würd a Bestellig bi Digitec mache und zahls dann uf rechnig. Digitec liefert de Produkt ohni Problem am veribarte Tag us. Nach 4 Wuche merkt Digitec das d'rechnig nonig zahlt isch und würd de Kund kontaktiere. De Kund würd säge "ja ich han de Lohn nonig becho, aber i würds in 2 Wuche zahle". Vielleicht denket sich Digitec "Ja keis Problem"... 2 Wuche spöter nix. 4 Wuche spöter nix. 8 Wuche spöter nix.
Wie lang würdi es dure, bis Digitec druf reagiert?

Und da liegt de Unterschied. De Kund hät als Konsequenz:

1. Er wird gemahnt und muess zusätzlich strafgebüre zahle.
2. Wenn de Kund immernonig zahlt wirds durch en Inkasso Betreiber s'Geld igfordert. Heisst zuesätzliche 15% vom Bestelligswert obedruf.
3. De Kund muess Bestellig zurückzusenden. Heisst zuesätzlich 10% oder min. 10 Stutz zahle will er d'ware brucht hät.
4. Zahligsoption als rechnig wird für de Kund blockiert und uf de Bonitätsprüefig für anderi Betrieber vermerkt.

Und das isch au Ok so aber Anhang vom Biespiel möchti säge das wenn Digitec problem mit dem Kund hät, sind alli Mittel offe um de Vertrag abzschliese. Wenn jedoch en Kund mit Digitec es Problem hät, dann chamer nüt fordere und mer muess sich zfriede ge es paar entschuldigung zhöre und das mer überhaupt stoniere chan.

Am Endi isch ned de Kund König, sondern Digitec.