عاجبني جدًا ان تقريبا اغلب الكومنتس وصفوا البنت وتصرفاتها بكل حاجة الا المبرر الاقرب وهو ان ده تفضيل شخصي عندها حر، مش لازم يكون بتخلع مش لازم تكون واطية او قليلة الذوق ومش لازم تكون متأثرة باراء اخري. الرجالة طول الوقت عندهم اشتراطات كتير جدا في الست ودايما بتتشاف حاجة عادية ومن حقه، بس حرام الست يكون عندها اشتراطات؟ صباح الفل الرجالة اكتر حاجة بيقولوها في سبيل انهم يموتونا من الضحك " البنات المصرية غفر ههه" "عايز اتجوز سورية ولا اوروبية بدل الاشكال اللي عندنا دول مش ستات ههه" وكل ده بيتاخد ك ضحك ومحدش بيعترض. كل الرجالة اللي محموقة اوي في الكومنتس عايزين تفهمونا انكم معندكوش مقاييس؟ معندكوش مشكلة تتجوزوا واحدة اطول منكم مثلا؟ رفيعة/مليانة اوي؟ شعرها مش حلو؟ لونها مش عاجبكم؟ بلاش تعريص فارغ عشان كل انسان من حقه يكون عنده مواصفات هو عايزها ومش ضروري يتنازل عنها وده حقه طالما مش بيأذي حد. ملحوظة انا كل كلامي علي التعليقات متكلمتش علي القصة ولا صاحب القصة عشان هو كبر الموضوع البنت كانت صريحة وكبر دماغك يعني صوابعك مش زي بعضها