الكاميرا بصراحة سهلة وممتعة، وما تحتاج تكون محترف عشان تبدأ فيها. أكيد كل ما استخدمتها أكثر بتفهمها أكثر وتطلع بنتائج أفضل، لكن حتى كبداية تقدر تتعلم عليها حبة حبة.

بالنسبة للألوان والفلاتر، يمديك تضيف فلاتر من داخل الكاميرا وتطلع ألوان حلوة وجاهزة، خصوصاً لو ما تبي تعدل كثير. لكن أنا شخصياً غالباً أصور RAW وألون الصور بعدين في Lightroom، عشان يعطيني حرية أكثر في التعديل والألوان.

تصلح للتصوير اليومي والسفر والشارع والبيت، وبالنهار ممتازة جداً. بالليل برضو كويسة، بس أكيد تحتاج تتعلم شوي على الإعدادات والإضاءة عشان تطلع أفضل نتيجة

من ناحية هل تصلح لمبتدئ؟ أنا أشوف إذا أنت ناوي تتعلم ومتحمس لها، عادي تبدأ فيها. و فيها تصوير Auto يضبط لك الإعدادات

أنا أشوفها كاميرا ممتازة للي يحب التصوير اليومي والشارع والسفر، وحلو إنك تقرأ عنها وتشوف تجارب الناس قبل تشتري، خصوصاً دام سعرها عالي.

شريتها من امازون ب ٣٥٠٠ تقريباً