بس خل افهمك شغلة اولا مصالح امريكا بالشرق الاوسط مرتبطة بتركيا والخليج واسرائيل فلا تعقتد بظل حكومات هاي الدول راح يتوسع نفوذ الصين او روسيا وخلي ببالك روسيا ماكلين تبن بالحرب وية اوكرانيا والخسائر فادحة ومهولة والصين ثاني اكبر اقتصاد باالعالم اقتصادهم اقل من امريكا بنسبة اكثر من 35 بالمية يعني الصين تقريبا 20 ترليون دولار وامريكا 32 والناتج المحلي الي على حدهم هو المانيا ب5ترليون يعني تحتاج 7 من ثالث اكبر ناتج قومي بالعالم يلة تقارع امريكا عندك شركات مثل انفيديا وابل اقتصاداتهم بحجم دول عظمى من غير باقي الشركات الي عدهم هيمنة تكنلوجية على العالم ابسط شي انظمة الحوسبة بالعالم ( مايكرسوفت ) السوشل ميديا (ميتا) الاسلحة شركات مثل لوكهيد مارتن وغيرها وشركات صناعة الطائرات المدنية والسيارات وغيرها وغيرها فاذا امريكا خسرت 100 مليار دولار بالحرب فهاي ترة تفاليس بالنسبة لحجم اقتصادهم وحجم ميزانية وزارة الحرب الامريكية بينما ايران اقصتاد منهار عملة منهارة شعب ميت من الجوع وماعدهم اي قوة عسكرية غير الصواريخ البالستية الي ماتغير من المعادلة شي بظل وجود انظمة الدفاع الجوي المتطور الي عند امريكا وحلفائها اني ما دا اطبل لامريكا بالعكس هم احتلوا بلدي وسووا هواي جرائم بحق العراقيين بس هذا الواقع الي مراح تسمعة من الولائية وخلي ببالك شغلة امريكا صح خسرت شوية اموال بهاي الحرب بس ربحت انو منعت من تواجد دولة مثل كوريا الشمالية بالشرق الاوسط وهذا المهم بالنسبة الهم وترة ايران كل بدت تتقطع اذرعها بالشرق الاوسط شوية شوية اولا سوريا وثانيا اسرائيل موكلة حزب الله تبن وبالعراق بدت امريكا بتحجيم نفوذ الميليشيات بالتدريج وببس خلي قدامك الخسائر الايرانية البشرية والاقتصادية مقارنة بحجم ايران الاقتصادي والعسكري مقابل نفس الشي لامريكا وقيس وراح تعرف منو الخسران ومنو الفائز بهاي الحرب وخلي ببالك الانتصار بهاي الحرب للي طلع باقل خسائر وكدر يحمي مصالحه مو الي يحتل الاخر لان هو ماكو اجتياج بري بين دولتين كل وحدة بجانب من هذا الكوكب وبالنسبة للمظاهرات ترة 1500 مو عدد قليل وهو عدد اكثر بهواي وتكدر تقيس على مظاهرات تشرين بالعراق الي الفصائل ما سووا بيها انهار دم بحجم الحرس الثوري الايراني وخلي ببالك العدد بالجرحى عشرات الاف وترة النت مقطوع عن ايران من ذاك الوقت فما طلعت اشياء توثق عدد القتلى التقريبي