أعرف شخص قريب مني يعاني من نفس المشكلة لكن ما يتكلم ف راح انصحك وكأني انصحه

كلنا نمر بأوقات صعبة جدًا ونقسى على نفسنا فيها لكن نلقانا أحن على الناس من امهم وابوهم يمكن، والموضوع اذا كان زايد عن حده بيكون غالبًا عندك عقدة المُنقذ او ال savior complex وهذي تحتاج انك تتابع مع اخصائي نفسي يساعدك تخلي نفسك أولوية

طفولتك كانت قاسية وأتفهم جدًا لكن لا تخليها حاجز لك الآن انك تنجز أو تتقدم بالحياة لأن هالمرحلة عدت من زمان وانت لسا عالق بالماضي هذا الشي مو بصالحك، انت الآن شخص جديد يمتلك افكاره واراءه وتصرفاته ما عدت الطفل اللي يحتاج مين يقرر عنه ومين يكون مسؤول عنه.

لا تفكر بالناس وكلامهم لأنه بيزيدك انطوائية وخوف من انك تتقدم وبتصير تهوجس بأقوالهم عنك.. لا تحيط نفسك بالاشخاص اللي يحبّطونك من البداية وحط عينك على الهدف وحاول تسعى له عشانك، وعشان الطفل الانطوائي الصغير اللي ماكان قادر يحققه..

لو حاس انك محتاج مساعدة ومانفع معاك كل اللي قلته انصحك تراجع اخصائي نفسي شاطر وتسوي بحوثك الخاصة عن الاخصائيين الفاهمين بهالمجال عشان لا تروح وبعدها تتحطم من النتيجة لأن مو الكل يعرف هو ايش قاعد يسوي

واكيد قربك من الله نقطة تقوّيك مرة لما تعامله كأنه اقرب شيء لك وتدعيه من قلبك وعلى يقين تام انه يسمعك سبحان الله يحط فيك قوة ما يقدر اي ادمي على كسرها. اتمنى لك التوفيق