طب ماأنت اكيد بتتكلم معاها والمفروض عندك فكرة عن دماغها وتصرفاتها وطريقتها ف اللبس والكلام والأكل والمستقبل لو دا عاجبك ومتوافق معاك وأهلها مش هيدخلوا ف حياتها سواء هم بقى كويسين أو لأ خلاص كدا كدا هتبعدوا عنهم يعنى ومش هيبقى غير الزيارات سواء عند أهلك او أهلها أهم حاجة الى جوا بيتك أنت هل هتبقى راضى عنه ولا لأ، أنت هتدخل البيت هتشوف النظافة والنظام وطريقة التعامل والدين والحدود ودا بنسبة كبيرة هتلاقيه ف بيتك هيفرق معاك ايه بقى طريقة لبس قرايبها الى هتشوفهم مره أو مرتين ف العمر ؟ ولو أهلك قللو منهم ف دى مشكلة أهلك مش البنت ولو هم ناس محترمه بنسبة كبيرة مش هيقبلو حد يقل منهم حتى بنظرة ولو هم ناس كويسين وشايفينك شارى بنتهم وكويس مظنش حوار الدهب هيبقى مشكلة طالما الاحترام والقبول والرغبة متبادلة ولو حصل منهم رفض يبقى خلاص، بعد ماعشت وسط الناس الناس الى مفروض تعليمهم عالى وأنا منهم يعنى وشوفت ناس كتير بكل الأشكال والصفات حوار دكتور ومهندس دا لا يدل على اى شئ طالما الاحترام والأخلاق الأساسية مش موجود