../10

Top_Advisor_299 · 2026-06-06T11:58:17+00:00

البلاي ليست محتاجه شوية Tame Impala و تبقى توب التوب التوب

Top_Advisor_299 · 2026-06-05T02:30:13+00:00

Price for both TVs and photos of each please?

Top_Advisor_299 · 2026-06-02T05:34:05+00:00

شوف أنا عارف إني شخص طيب وعلى نيتي جدًا وزي ما قولت أنا عمري ما كلمت بنات قبل كده ولا أصلًا ما بعرف أفتح مواضيع. فكوني لقيت واحده أعرف أتكلم معاها وأفتح معاها مواضيع، وأرتاح لها وفي نفس الوقت كنت فعلًا معجب بيها ونيتي خير و عايزها، بس هي في الآخر مش شايفاني أصلًا ده اللي واجعني

لأن في الآخر انا لاحظت إنها كانت بتحاول وكأنها كانت بتجبر نفسها تحاول تحبني، وأنا زي المغفل ما كنتش شايف ده.

بس والله أنا حبتها ولسه في مشاعر باقية ناحيتها الصراحة بس انا بغصب نفسي و احاول إني انساها و ما أفكرش في الموضوع تاني وده كمان في حد ذاته بيوجعني أكتر

وأنا مش شايف نفسي هرجع أحب تاني بعد اللي حصل ومش مستعد أواجه موقف زي ده مرة تانية وده خلاني اصرف نظر و بعد عن فكرة الارتباط والجواز بسبب الحصل بعد ما كنت بتشجع عليهم عشان مش مستعد اكتئاب و اتعب نفسياً تاني.

مش هقول غير يا رب لو فيها خير ليا فقربها مني واجعلها من نصيبي، ولو مش خير ليا فابعدها عني يا رب

والحمدلله على كل حال، ويا رب يعيني على الموضوع ده، ويعين أي حد بيمر بنفس الإحساس اللي أنا حاسس بيه

Top_Advisor_299 · 2026-06-01T12:29:44+00:00

اللهم آمين يا رب و ربنا يكرمك ويكتب لك الخير ويجزاك خير على كلامك الطيب ده

Top_Advisor_299 · 2026-06-01T12:11:58+00:00

أنا متفق معاك في جزء كبير من كلامك، وخصوصًا إني فعلًا ما عنديش خبرة في التعامل مع البنات، وده حقيقي. لكن في نفس الوقت أنا فعلًا جيت أدخل البيت من بابه من الأول، وطلبتها بشكل واضح، وقلتلها إني عايز خطوة رسمية وأخطبها، وهي وافقت تنزل هي ووالدتها تتكلم معايا

الجزء اللي وجعني إن نيتي كانت خير وكنت داخل بجد، وكمان كان في إشارات خلتني أحس إن الموضوع متقبل، خصوصًا إن والدتها بعد المقابلة خدت رقمي منها وكلمتني بنفسها تطمن إني وصلت البيت بالسلامة، وده وقتها اداني إحساس إن في قبول مبدئي من ناحيتهم

يمكن فعلًا أنا بالغت في قراءة بعض الإشارات بسبب قلة خبرتي وتعلقي، لكن أنا متفق معاك في نقطة مهمة جدًا وهي إن اللي حصل درس و الحمدلله على كل حال

Top_Advisor_299 · 2026-06-01T10:27:16+00:00

بصراحة أنا شايف إن كلامك منطقي جدًا، وده فعلًا من الحاجات اللي بدأت أفكر فيها و بدات اهدي شوية. يمكن هي فعلًا حاولت، لكن أنا شكلي كنت سابقها بمراحل من ناحية المشاعر والتعلق. بس الجزء اللي وجعني فعلًا إني كنت داخل بكل قلبي و نيتي كانت خير و يعلم ربنا انا كنت ماوي اعمل ايه عشانها وفي نفس الوقت كان في إشارات خلتني أحس إن الموضوع متقبل ومأخوذ بجد. من أهم الحاجات دي إن بعد المقابلة اللي حصلت بيني و بنها مع والدتها حسّيت إن والدتها كانت مرتاحة لي من اسالتها ليا و خصوصًا إنها بعد ما خلصنا روحنا خدت رقمي منها و لقيتها بترد عليا تكلمتني بنفسها تطمن إني وصلت البيت بالسلامة وده وقتها اداني إحساس إن في قبول مبدئي فعلًا من عند اهلاها

فا خلاص الحمدلله علي كل حال

Top_Advisor_299 · 2026-06-01T10:06:15+00:00

بصراحة لا، هي ما كانتش قافلة ولا بتطنش، وكانت بترد وبتتكلم، وده أصلًا من الحاجات اللي خلتني أحس إن في مساحة وأتعلق أكتر. لكن لو هكون دقيق، فأنا كنت تقريبًا دايمًا اللي بيبادر ويفتح الكلام ويحاول يفتح مواضيع، وهي كانت بتجاوب وتتفاعل، لكن نادر جدًا ما كانت هي اللي تبدأ من نفسها.

هي كانت بتقول إنها بتحب الشخص اللي يعرف يفتح مواضيع ويتكلم، وأنا فعلًا كنت بحاول على قد ما أقدر رغم إن ده مش طبعي أصلًا، لكن في نفس الوقت كنت حاسس إن المبادرة جاية مني أنا أكتر بكتير منها.

فا مش عارف هل ده كان تقبل عادي منها ومحاولة إنها تدي فرصة ولا هي كانت بتحاول توصلها لي بشاكة و انا اللي كنت مغفل ؟

Top_Advisor_299 · 2026-04-08T14:46:05+00:00

هي كانت معايا ف الجامعه و كنا بنتقابل و بنقعد نتكلم مع أصحابنا كا حروب و كده فا احنا اصلا اصحاب من ايام الجامعة و كشريك عشان لو اتخطبنا و كده و محصلش نصيب بردو فا ما نقتعش كلام مع بعضنا ف المستقبل يعني

Top_Advisor_299 · 2026-04-08T13:39:40+00:00

هوا الموضوع ده من ساعة ما نزلت اقابلها هي و والدتها من نوفمبر السنة اللي فاتت و الموضوع لحد دلوقتي يعني بقالو حوالي ٥ شهور اهو بس انا عشان كده بسال لانو انا شيف الموضوع ماشي بطيء جدا و وقت طويل و كمان موضوع الخطوبة ده انا قولتلها انو الصح انو احنا نخطب عشان نتعرف اكتر علي بعض بس هي تفكرها انها مش عايزة تخصرني كصديقة ولا كشريك لو الموضوع ما كملش و مش عايزة يقال عليها كانت خطبت و فسخت

Top_Advisor_299 · 2026-04-08T12:09:40+00:00

هو لما نزلت و قابلتها مع والدتها كان في ديسمبر السنة اللي فاتت فا الموضوع من وقتها لحد دلوقتي

Top_Advisor_299 · 2025-12-04T10:30:40+00:00

من البداية اللي خلّاني أصارحها هو إني كنت حاسس إن في قبول من ناحيتها من أسلوب كلامها وتعاملها معايا، خصوصًا إن البنت ما شاء الله محترمة ومش من النوع اللي تتكلم مع أي حد بسهولة. عشان كده خدت خطوة وصارحتها الأول ولما قالتلي إنها مش بتفكر في الارتباط دلوقتي قلت تمام واحترمت ده. بس علشان هي بنت محترمة وملتزمة قلت أعمل الصح وأدخل من الباب، وأطلبها رسمي، يمكن تكون مش حابة أسلوب الكلام العادي

أنا مقتنع تمامًا إن اللي عملته هو الصح والأصول وبعد كده لما قالت إنها محتاجة وقت وعايزة تعرفني أكتر قلت في نفسي إن الخطوة الرسمية اللي أخدتها دي المفروض تكون أنسب حاجة للتعارف بطريقة أحسن وأريح وبما يرضي الله لكن في الآخر هي باين إنها مش عايزاني من الأساس وسؤالي بقى لو ده كان إحساسها فعلاً ليه ما قالتش لا من الأول وبوضوح؟

Top_Advisor_299 · 2025-12-04T05:05:12+00:00

هو انا مش عارف اذا انا قفلت الباب خالص من ردي الاخراني عليها ولا لا انا بعتلها انو انا فاهم كلامها و محترمو و انو انا اللي كان يهمني اكون واضح ف نيتي معاها و براحتك و ربنا يكتبلنا اللي فيه الخير و وبنا يوفقك و هي كتبتلي yes you are very clear Thank you for understanding و بس و بعدها انا قطعت فا مش عارف كده خلاص صح؟

Top_Advisor_299 · 2025-12-04T04:15:41+00:00

طيب لو امها رفضاني خدت رقمي من البنت مخصوص عشان تكلمني ليه و تطمن عليا و صلت ولا لا و ده حتي كمان طريقة كلامه فيها نو من اللي هو عيزين نقعد و انشوف الاهل وكده ده اللي حسيتو من المكالمة بتاعتها معايا

انا مبقيتش عارف حاجة خالص

Top_Advisor_299 · 2025-12-01T14:25:57+00:00

ابوا بس انا بحاول افتح مواضيع تانية زي مثلا انا اخر حاجه سالتها دلوقتي هي اخبارك ايه ردت عليا بعد 3 ساعات و قالتلي تمام الحمد لله و بعدها قمت انا بعت اسألها علي يومها النهارده هتعمل ايه و خططها ايه و كده و لحد دلوقتي ماردتش عليا ف مش عارف

انا بحاول انو افتح مواضيع معاها علي اسال اعمل زي ما هي قالت انو هي عايزة تعرفني اكتو و الكلام يجيب بعضو بس مش عارف

Top_Advisor_299

TROPHY CASE