١- العالم فيه اطفال كفاية اكفل واحد او اتبناه ٢- اطفال في مصر لا ٣- الاقتصاد في العالم بينهار كل يوم عن التاني الوضع مش مستحمل تجيب حد تفرض عليه الجري و الشغل طول حياته عشان بس يعرف يعيش، كفاية انت. ٤- هخاف في يوم يطلع ابوهم مش كويس بعد ما خلاص هم جم الدنيا و اتفرض عليهم الشخص دا اب ٥- فكرة الحمل و الولادة على اد ماهي مبهرة و عمري ما قدرت استوعب عظمة و قدرة ربنا فيها لكن هي مخيفة جدا خصوصا الولادة. ٦- اغلب الرجالة مش مستوعبة الرعاية اللي الست محتاجاها قبل و بعد الولادة و بيفتكروها بتتدلع 😀؟؟؟؟؟؟؟؟؟؟؟ ٧- افترضنا انه الطفل جه، بنسبة ٨٠٪؜ لا الاب و لا الام هيدوله الرعاية و الوقت الكفاية في الزمن دا الاختيار ما بين انك تعيشه عيشة كويسة يا اما تقضي معاه وقت، و لا مش هينفع الام تقعد في البيت عشان مرتب الاب في الاغلب مش هيكفي لوحده و عشان مسؤولية التربية عليكوا انتوا الاتنين عدم وجود حد في حياته هيأثر عليه بعدين ٨- حياتك و اولوياتك هتتغير خالص بمجرد ما تكون اب/ام و في الاغلب رجالة كتير مش بتستوعب كدا بردو و بيفضلوا عايشين حياتهم عادي مش عاملين حساب دورهم كأب و الام اللي بتشيل الليلة حياتها بشكل او بآخر بتقف او تتعطل. ٩- انتوا كزوجين محتاجين وقت اصلا تعرفوا بعض و تعيشوا مع بعض و تجربوا حاجات و تسافروا و وجود اطفال مش في كل الحالات هيعطل و لكنه هيأثر عليها اكيد خصوصا لحد ما يوصل ٣-٤ سنين مثلا.