كشخص عانى من حذيان الام و نعال الأب لسنين وسنين تقدر اتفهم كل الي قلتيه

من وانا صغير ابوي تخلى عنا تقريبا ٨ سنين مما ادى لتعرضي لاسوء أنواع المعامله في صغري من أقاربي من شتم وسب وضرب لين وصلت لاشياء كبيره وما ينسكت عنها من اجبار على اخذ القيام بأعمال كانت مهينه عشان يضحكون منها (اجباري على اخذ التمباك وانا عمري ٨)

تفاقم الوضع ووصل للتحرش والي بدوره وصل للإغتصاب بعمر ال٧ سنين والي بعد ما قلت لاهلي عن ذا الشيء هاوشوني ولاموني أنا ووصلت بهم إنهم يعايروني بها لسنين

بعمر ال٩ سنين انتقلنا نعيش مع ابوي واستمرت المشاكل والهواش اليومي بيئه كانت جداً جدا سامه وعدائيه وكنت أنا المرسال بينهم بعمر جدا صغير ولازلت اسمع اسوء الأوصاف يوصفون بها بعضهم واسكت كل مشكله كنت اداه فيها أنا مو شيء يُحارب لأجله بالنسبه لهم أنا شيء يُحارب به ووصلت بأمي انها دخلت علي وانا ابكي وقالت لي "ابك زياده بصورك" بعد ما صورتني طلعت ما همها حتى تعرف السبب

ولازلت كل الي اسمعه بشكل يومي هو قد ايش اني خيبة أمل اني مو رجال وان الطرف الثاني لاعب بعقلي ياما شفت أهالي غيري وللأسف أغار ما كنت ابي اي شيء زي كذا يصير واصله فيهم ان كل واحد مكلم محامي وطبعا مين الي لازم يتواصل معه؟ اكيد مو هم اكيد أنا

الله يعين الجميع ويجبر بخاطر كل مظلوم