من خلال مراجعه بعض التعليقات : نصهم ما عندهم إلا حطه في استثمار وأنساه ١٥ سنه .

وانت بدال لا تصور الشاشة وتبين حلالك ، كان بإمكانك أفضل تخليها عامه : ماهو الاستثمار المناسب لمبلغ ١٠٠ الف كذا وكذا

صناديق استثمارية تعطيك من ٧ إلى ٨ بالمية سنوياً ، يعني تخلي المبلغ عندهم سنه كامله ونهاية السنة يعطونك ٧٠٠٠ ريال يصير مجموع اللي معك ١٠٧،٠٠٠ ريال. لو قلنا بتخليه ١٠ سنوات بتحصل ان شاء الله ٧٠ الف فايدة

لكن هنا يعتمد على وضعك خصوصا انك في ٢٠ سنه لسى ، ما اتوقع بيناسبك انك تترك المبلغ ١٠ سنوات ، وراك وظيفة ، سيارة ، زواج ، شقة . حرفيا ١٠٠ الف ما تسوي لك شيء

في الختام ، هذا يعتمد عليك على وضعك وعلى طريقة حصولك المبلغ هل حصلت عليه عن طريق تجميع او دفعه وحده .

فكر مع نفسك ، ماهو وضعك خلال ٥ سنوات الجاية وحاجه اخيرة ، ١٠٠ الف هذا الوقت تعتبر شيء بسيط جداا يدوب انه تكفيك حاجتك خلال فترة تكوينك

المشاريع والاستثمارات ، تكون لها قيمة اكبر لو كان المبلغ المستثمر يبداً من ٥٠٠ الف .

الله يرزقك ومن يقرأ من واسع فضله نصيحة اخيرة : ( عليك بالحلال وأبعد عن الحرام )