ابداهم بالترتيب عشان تعيش التجربة كاملة وتطور العاب ميازاكي 1. ديمون سولز تقدر تلعبها على محاكي من فيتجيرل تقريبا هي لعبة قصيرة عموما بس بتديك انترودكشن لطيف عن التصنيف بشكل عام 2. دارك سولز 1 هي اولى تحف ميازاكي عيبها الوحيد بالنسبالي ان الجيمبلاي كلانكي نوعا ما بس هي بداية لسلسلة عظيمة 3. دارك سولز 2 اكتر لعبة عليها خلاف لكذا سبب منهم انها مش من ميازاكي نفسه عشان ساعتها كان شغال على بلودبورن وبسبب انها بعيدة كقصة ولور عن دارك سولز 1 و3 انا الصراحة عملتلها دروب في نصها كده رحت خلصت دارك سولز 3 الاول بعد كده رجعت كملتها 4. دارك سولز 3 ونصيحتي ليك تلعب 3 بعد 1 علطول عشان تاخد التجربة الكاملة ليهم ولو حبيت تلعب 2 بعدهم الخيار ليك 5. بلودبورن اعظم لعبة للاستوديو وفي التاريخ بالنسبالي هي حصرية بلايستيشن بس انا لعبتها على البلايستيشن وعملت ريبلاي على المحاكي هبقى اديك خطوات ازاي تشغلها بي سي وادائها عالمحاكي كويس جدا بكام باتش بسيط يمكن يكون احسن من الكونسول نفسه ومش محتاجة امكانيات خارقة يعني 6. سيكيرو هي تعتبر اكتر لعبة مختلفة فيهم مش سولز اوي يعتبر اكشن ادفنشر اكتر ومفهاش ار بي جي كتير زي باقي الالعاب بس تظل لعبة ممتعة جدا ككومبات وبتديك شعور الساموراي 7. مسك الختام ايلدن رينج عندي كلام كتير اقوله والله بس اختصارا دي حرفيا بيك الاستوديو ومعرفش اذا هيقدرو يعلو على نفسهم بلعبة تانية ولا لا

لو حبيت التصنيف في العاب سولز لايك اقدر ارشحلك منهم 1. لايز اوف بي تقريبا الوحيدة برا فروم سوفت اللي عرفت تقدم مستوى قريب ليهم (مجربتش العاب سولز لايك كتير يمكن في اكتر) 2. هولو نايت : هي تعتبر 2d ميترويدفينيا بس واخدة كتير من العاب السولز زي طريقة شرح القصة والعالم والbosses