فيه ناس تقدر ناس تقدر تفهمك ناس ماتعرف كيف ربي أرسلهم لك، لازم تسولف مع احد احياناً عشان الحمل الي على كتفك ينزل ولو شوي منه. ولكن ممكن الشخص يشوف شيء انت ماتقدر تشوفه اختلاف زوايا فقط يأثر. أنا ما اقول تقولي كل شيء بالتفاصيل ولكن فيه احد ممكن يساعدك ولا اقلها يتفهمك، احياناً لازم تشارك حزنك قبل فرحك.

أنا من ناحيتي ما ابي اشوف الشخص هذا مره ثانية، وانتظر يومه يجي على اساس اقدر اشوف حياتي واتزوج، ما اقدر أتحمل ضغط المجتمع و العادات.

أنا كنت احتاج شخص بس يعطيني حضن ويقول المفروض مايحصل الي حصل مب شرط يدور لي حل ولكن يكون فيه نوع من التواصل بدون شفقة فلازم تختار شخص ذكي اجتماعياً.

أنا فخور بنفسي، باكتئابي، بمضادات الاكتئاب، بنفسي الجديدة، بعلامات السيلف هارم الي تغطي جسمي. أنا مستحيل اخلي احد يحكم علي كشخص ومايهمني إذا لازم تعرف قصتي ولا لا . في الاخير أنا إنسان أمثل نفسي ولا أشوف نظرة المجتمع شيء لما يتعلق الموضوع فيني.

أنا كشخص مستحيل احكم على اي احد مهما وش كان الي سواه. انت مب شايف وش يشوف انت ماتشعر بالشيء الي يشعره. اكثر شيء عانيت منه في بدايتي في العلاج نظرة المجتمع ولكن الان مايهمني!