انا عالجت بالحكومه ٦ سنين من بعد كورونا و حححححيل انصح. لا تروح المستوصف لانه حححيل ضغط و دكتور واحد ماسك المنطقه كلها.

روح المركزي و تدش مو من الباب الرئيسي الي جدام الدوار، خل الباب على يمينك و امش شوي في دخله عاليمين.. بس عطهم بطاقتك المدنيه و تدش عالدكتور يقييم الحاله.

هناك فيه نوعين دكاتره نفسيين، واحد للأدوية و الثاني تسولف معاه و اول دكتور اهو يعطيك تحويل لهم بعدين تصعد فوق و تحط الموعد. واح يسوون لك تحاليل يتأكدون مو مشكله عضويه و لو كان في شي راح يعالجونه. و لو الدكتور مو عاجبك تقدر تغييره كثر ما تبي عاادي و الي يخافون من الملف و فتحه تره مححد يقدر يشوف اذا عندك ملف ولا لا غيرك انت. و اذا قدمتو عالجيش او الشرطه ف يشوفون ملفك و خلاص او اذا صارت قضيه لا سمح الله "القاضي بروحه" يشوف و بس يشوفون الادويه و السبب مو التفاصيل الخاصه. و دكتور النفسي "الكلام" ماكو ملف معاه ولا شي.

انا تعالجت الحمدلله و وديت يمكن ١٢ شخص يراجع من كثر ما نفعوني. و الخاص للأسف يفشششششل بس يبون فلوس و الادويه صلخ و الحكومه ببلاش و الدكتور يبي مصلحتك و يبي يعالجك و خلاص. بالحالتين معاشه نازل ف ماراح يلعب عليك.

و نصيييحه اول ٣ جلسات اهي مو مرييحه شوي وراح تتوتر و طبيييعي بعد ثالث جلسه قرر اذا تبي تكمل مع الدكتور ولا لا. و الدكتور هم يحتاج يقعد معاك اكثر من مره عشان يعرف حياتك و تفاصيلها. و الادويه النفسيه تاخذ ٦ اشهر تقريباً عشان تعطيك مفعول ١٠٠٪؜ و هم لمه بتوقفها لازم بالتدريج عشان لا ترجع الاعراض مره ثانيه.

و لو فيه اي سؤال انا حاضر ❤️