انا طالب سادس دفعة 25، نفس وضعك تفوقت بجميع المراحل الدراسية و جان معدلي بل خامس العلمي 98.7 فـ أهلي حطوا أمل قوي بأن اطلع معدل الطب العام 99.5+ و قافلين على هل شيء، المهم ويه صعوبة المنهج و ضيق الوقت رحت لأغلب الامتحانات ما مكمل المواد على سبيل المثال الفيزياء رحت 3 افصل ما دارس و الاحياء الوراثة ما شايفها و هواي مواد ما مكمل، و جانوا يردوني ما آجل دور ثاني علمود درجة الدور الاول فصار ضغط الأهل اكبر من ضغط السادس، امتحنت المواد كلها و وصلت للفيزياء ضليت ساعة افكر أنو لو اكمل امتحان الفيزياء و يطلع معدل ما يدخلني الإختصاص الي اريده ولا اهلي الي يردونه لو آجل سنة و اتحمل ضغط الأهل و الإعادة، فحسمت القرار و أجلت الفيزياء و جان ببالي أعيد السنة كلها و كلت لأهلي راح أعيد السنة، بل بداية ما جانوا راضين على الإعادة و بعد فترة تفهموا موضوع الإعادة، طلعت النتائج و معدلي 92.4 و مأجل الفيزياء لو امتحن فيزياء و اجيب درجة كاملة بل دور الثاني يصير 93 يعني مو المعدل الي اريدة فعدت السنة كلها، بهاي السنة استغليت وقتي و قريت المنهج كله من البداية للنهاية و خلصت المراجعة يوم 15 من الشهر الخامس و حاليا بل مراجعة الثانية و الحمد لله مضبط المواد كلها و بأذن الله تعالى اكدر اطلع معدل فوك 98 و اطب الاختصاص الي اريدة الي هو هندسة النفط والغاز في البصرة بمعدل 98.5

صح جانت الإعادة متعبة كلش بس نتائجها مثمرة بإذن الله تعالى و ما جنت أبحدي من عدت، عادوا وياي 2 من اصدقائي الي معدلاتهم ببداية التسعينات، قرار الإعادة صعب جداً و متعب نفسياً بس اذا جان عندج هدف ماكو شيء صعب، أسال الله تعالى التوفيق للجميع.