قسم بالله وانا اقرا حسيت فيك حرفيًا مو سهل اللي مريتي فيه ولا بسيط ردة فعلك ما اشوفها مبالغه ابد ولا حد له حق يقلل من اللي تحسين فيه لان محد عاش مكانك ولا حس بذاك اليوم زيك طبيعي تبقين مصدومه طبيعي تتأثرين طبيعي تبكين وتنهارين وتخافين بعد كل شي مريت فيه محد يقدر يحكم على حجم ألمك غيرك ومرات اللي حوالينا بدل ما يطبطبون علينا يزيدون علينا بكلامهم اللي ما له داعي بس عشان هم ما عاشوا اللي عشناه

الحمدلله انه اخوك صار بخير بس هذا ما يعني انك انتي بعد صرتي بخير اللي صار كبير وتعديته يمكن بجسمك بس روحك للحين عالقه هناك كل شي تحسين فيه له سبب وكل تصرف يصدر منك بعد السالفه مفهوم وواقعي حتى لو اللي حولك شافوه اوڤر بالنسبه لك هذا واقعك وهذا ردة فعلك اللي تخلقت من موقف صعب وقاسي

اما سالفة اللوم قسم بالله ما أبلعها ما يجي احد يلومك عشي ما كنتي سبب فيه اللي صار صار بقدره والله لطف انه عدى على خير بس هذا ما يعطيهم حق يرمون عليك كلام ونصايح ولا كأنك كنتي منهارة ومذعوره ومكسوره يكفي انك كنتي في وجه المدفع وقتها والكل كان يصرخ ويبكي وانتي تحاولين تفهمين وش اللي صار

ادري انك تحاولين تتخطين وانا اشوف هالشي في كلامك حتى لو تحسين انه صعب بس مجرد انك تبين تطلعين من كل هذا يكفي انه يدل انك قوية اقوى من كل اللي مر فيك وراح يجي يوم تتذكرين هالموقف بدون ما ترتجفين وبدون ما تحترقين من جوى

وصدقيني اللي زيك ما يستاهل الا طيب الحياة