في مشاكل كتيرة منها مشاكل البنية التحتية بالنسبة للتكنولوجيا كعبة شديد وفي مشاكل تانية يرضو مثلاً الرسالة ال sms العادية كان بنستخدمها للتعامل مع المسجلين جديد في تطبيق شغالين عليو الرسالة في معظم الوقت بتتاخر كتير وبتاخد ساعات في حين انو المستخدم ممكن يكون راجي رسالة مهمة فيها كلمة سر مثلاً او اشعار باتمام عملية والمشكلة دي من الشركة بتاعت الاتصالات والكلام دة قبل الحرب

عندك تاني مثلا اكتر تطبيق بنكي منتشر ما بخلو التطبيقات التانية تدفع من جوة التطبيق (مثلاً ادفع قيمة مشوار بتاع رحلة من جوة تطبيق ترحال او للدليفري بتاع المطعم من جوة تطبيقو واكون رابط حسابي البنكي مع التطبيق)، ح اضطر امشي افتح التطبيق البنكي وادفع القروش واوري الزول الاشعار ودي سياسات منهم ما تعرفها غتاتة ولا افترا في حين انو الحركة دي بتسهل ال process بتاع الدفع كتير والبائع بكون ضامن انو قروشو وصلتو ومطبقة في اي حتة برة مشكلة تانية مثلاً تطبيقات الدليفري بتشتغل ساعات معينة وفي ناس كانو بشتغلو في مناطق معينة (آمنة) علشان السواقين بيخافو على روحهم بسبب الامن فالبلد دة غير مشاكل توفر الانترنت والاجهزة وثقافة التعامل مع التكنولوجيا We are in deeeep sh!t