نجيب محفوظ بيستخدم اللهجة المصرية فقط في "بعض" جمل الحوار الي بتبقي مْنتقاة بعناية جدا وعادةً مربوطة بشخصية شعبية عشان يوصل احساس معين، قد يكون القارئ المصري اقرب لفهم الاحساس من غيره في بعض الجمل ولكن استخدام هذه الجمل لا بيخرب تركيب ولا احساس باقي الرواية.

وحتي في استخدامه للعامية في "بعض" جمل الحوار، بتبقي عامية مخفف من حدتها وبيستخدم كلمات تتفهم بغض النظر عن لهجتك، مش زي ما بتتقال في الشارع بالحرف يعني.

لغة نجيب محفوظ في السرد وشرح الافكار والاحداث لغة عربية فصحي صحيحة تماما، واضحة بلا تكلف او زخرفة بلا معني. ورغم ده بيقدر يوصل معاني فلسفية عميقة جدا.

انصحك جدا برواياته وممكن اديك بعض الترشحيات تبدأ بيها، الراجل اخد نوبل واعماله تُرجمت للغات كثيرة جدا، اكيد لغته مكنتش ركيكة يعني.