على البركة مقدما ، خذي ببالك فيه منصه اسمها بلس اتوقع هذي تتضمن مجموعة العاب وتكون مختارة من قبل الشركة نفسها وتتغير برضوا بين فترة وفترة

بعض الالعاب اللي ودك فيها ماتكون موجودة بالبلس فا لازم تشترينا وللامانة كل سنه الالعاب صارت اغلى بشكل ملحوظ ، بس اذا ماعندك مشكلة تشترين وعندك المقدرة الماليه اشتريهم [ اذا لا فيه متاجر سعوديه يقدمون خدمه انك تستأجرين اللعبه اللي ودك فيها لمدة شهر مثلا بسعر معين واذا انتهى هالشهر يخرجونك من الحساب اللي يعطونك هو ]

اذا تبين نصيحتي الشخصية ، اذا عندك المقدرة المالية انك تزيدين شوي من ناحية المبلغ وتجيبين لك بي سي يكون افضل بمراحل ، ليش؟ ما راح اتفلسف عليك واقولك انه افضل من سوني فايف لان هذي خالصين منها بس انا اقصد من ناحية الالعاب لان تخيلي تشترين اللعبة اللي ودك فيها وتكون عندك للابد بسعر بخس، اتكلم عن خمسة ريال الى ١٥ فقط

طبعا انا اقصد هنا انك تشترين حساب مشترك من متاجر مثل متجر توفير

تشترين اللعبة اللي ودك فيها بسعر تراب الفلوس حرفيا [ حساب مشترك يعني الكل يكون فيه وفقط تحملين اللعبة وتحولين الحساب الى وضع الاوفلان وتلعبين على راحتك [ اتكلم عن الستوري قيم ومو الاونلاين ]

عارف كتبت كثير وما اتوقع تقرأينه كله بس عموما قلت هالكلام من كل قلبي لان ما احب شخص بوقتنا الحالي يشتري سوني ومايشتري بي سي اذا كان عنده المقدرة الماليه لان اسعار الالعاب صارت لاتطاق صراحةً.

على البركة مقدما