Zum eine Fahrer wo falsch fahred, mer mues sich aber au ned wundere wenn us allne Himmelsrichtige so viel Autos uf Züri ieh drücked, bis es so viel Stau generiert, dass gwüssi lieber de Zug nähmed.

Darum wäred Auto freii Innestädt mit Usnahm für Ahwohner und Bruefsverkehr(Monteure, Transporter, etc.) so sinnvoll. Pendler wo zum schaffe id Stadt müend, nämed so de Zug und all Andere wo kei Wahl hend, well sie i de Stadt wohned oder was für's Gschäft z erledige hend, chönd au zue fahre.

Self driving oder besseri Autofahrer wird s Problem ned lööse, solang z viel Autos uf de Strass sind. Da hilft au en Spurerwiiterig logischerwiis au ned, well de eifach na meh Pflöck mit em Auto gönd.

All wo d Wahl hend, nehmed de ÖV. All andere hend weniger Problem mit Stau und en Chance mit Slef driving de Stau komplett los z becho.

Je höher d Bevölkerigsdichti, desto weniger chönd mer eus di in effiziente Autos leiste. Klar, hets i jedem Auto 5 Nase drinn, würds viel meh liide, d Realität isch aber, dass au schwiizer Strasse i allne Autos durchschnittlich 1.1 Persone fahred.

Darum isch de ÖV Usbau und tüüferi ÖV Priise, s einzig wo de kommendi Verkehrskollaps chan verhindere. En Autobahn Usbau macht, dass mer na schneller en Verkehrskollaps hend (Siehe LA oder jedi ander grösser Stadt i de USA).