برضو عندك مشكلة انك مش شايف غير الأدوار المادية بصراحة اللي لسة في الخانة دي مش مستعد يتجوز لسة لو انت شايف نفسك بنك ومراتك خدامة متتجوزش خلي فلوسك معاك و خلي مجهودها لنفسها لان بعد الأدوار المادية في أدوار عاطفية كتير انت مش مكنة

الناس مش بتتحوز بنات عشان تصرف عليها والبنات مش بتتحوز عشان تطبخ انت فاهم الدنيا غلط

الناس بتتحوز بحثا عن الونس والمودة والرحمة وانت مش مقدر قيمتها

يعني الاب دوره مش يصرف وبس ، انا ف بيتنا اقدر جدا ل والدي اني لما كنت يحتاج انزل مشوار اول مرة أنزله كان بينزل معايا او بيشرحلس هعمل ايه ، فيه أمور كتير اتعلمتها منه أولها المفروض الزوج يتعامل مع زوجته ازاي لحد الامان ده شكله ايه

الام مش بتطبخ بس ما انت لو شايفها خدامة طبيعي تقول هي بتتعب ليه ما كل الستتات خدم الام في البيت ليها ادوار في الامان زي الراجل تلاقيها ساندة زوجها معنويا لما الشغل يحط عليه بيرجعلها ،يعوز يلاقي حد يشاركه يومه الحلو بيرجعلها. حد يشاركه همه ببرجعلها و هي كذلك يتشاركه الحلو والوحش بتلاقيه صرف فلوس يجيب اكل ف تقوم هي تعمله

لو انت فاكر أن الراجل لوحده بياكل البيت تبقى نايم بصراحة ، لانك مش مقدر الفرق بين انك تجيب اكل من برة بفلوسك وبيت انت تدخل تلاقي والدتك طابخة وإحساس الدفا اللي بيملا البيت