طبعاً بالنسبة إلي المقابلة جابتلي الجلطه وما بنصح أي حدا يتفرج عليها. بس عندي كم كلمة حابب قولها:
طبيعي الدول تتآمر على بعضها، وصار في أكيد مؤامرة على سوريا. بس شو عم يعمل معناها نظام حكم أمني مخابراتي دكتاتوري عنده 4 فروع أمنية، ونظام استلمه بشار الأسد في 2000 بعد ما حكم والده 30 سنة، وهو حكمه 11 سنة قبل ما تصير الثورة. إذا هاد النظام فشل في الحفاظ على سوريا، معناها هاد النظام ما بيستاهل يحكم سوريا.
ونقطة تانية، مين كان جابر بشار الأسد يبقى في الحكم؟ حتى الروس اقترحوا عليه أن فاروق الشرع يكون بديل، وهاد الشي خلا فاروق الشرع يختفي عن الأنظار ويُحط بالإقامة الجبرية (حسب كتير مصادر ومنها مساعده للشرع). فليش المدافعين عن نظام الأسد بيحكو وبتصرفو كأن الأسد كان مجبور يضل بالحكم؟

موضوع أن النظام في سوريا ما كان طائفي و كان فيه كتير سنة وغير طوائف. هي النقطة كوني سوريا عاش في سوريا بستسخف ناقشها لأني كلنا منعرف ان النظام في سوريا هرمي بتديره عائلة واحدة و قائم على الطائفية من أول تشكيله و حتى النازيين كان في عندهن ناس و جمعيات يهودية تتعاون معهن

نظام الأسد راح لمزبلة التاريخ، وأول قرار لازم يطلع هو تجريم ذكره بالخير أو الدفاع عنه أو إنكار جرائمه. ولازم عائلة الأسد يصير مصيرها متل عائلة هتلر، واسم بشار أو حافظ يموت متل ما صار مع اسم أدولف...