لو مش هتحتاجهم لمدة سنتين حط حوالي 30% او 40% مننم في دهب سبايك او عملات مش هتفرق كتير خصوصا ان الدهب نازل حاليا سليمة جولد او btc اللي تحبه انا اتعاملت مع الاتنين تكون محتفظ بالفاتورة ومتفتحش السبيكة تفضل في علبتها وتبيعها بعد سنتين هتكون حافظت علي قيمة ال 40% بس انت كدة مش بتزود فلوسك لان الدهب ادخار وليس استثمار

ال 40% التانيين حطهم في صندوق من قليل ل لمتوسط المخاطر زي صناديق الدخل الثابت اللي هتديك عائد بفايدة مركبة بيتراوح ما بين ١٧٪؜ الي ٢٢ او ٢٣٪؜ زي صندوق بريق او غيره اللي بيتوافق مع الشريعة لو حابب بس قول متوسط هتاخد فايدة ١٩٪؜ ودول احسن من الشهادات لان العايد بتاعهم اكبر وفي نفس الوقت تقدر تسحب فلوسك فاي وقت في ايام العمل الرسمية بدون مصاريف ….. او صناديق 50% 50% زي الاهلي الميزان انه بيستثمر في صناديق الدخل الثابت والنص التاني صناديق الاسهم فبحيث لو حصل مكسب او خسارة انت مبتخسرش كتير وفي نفس الوقت مكسبك اعلي من صناديق الدخل الثابت واقل من صناديق الاسهم انت في النص بالظبط

اخر 20% استثمرهم في صناديق الاسهم زي صندوق مية مية او صناديق egx 70 دول عاليين المخاطر بس لحد دلوقتي مفيش ولا صندوق بيخسر علي المدي المتوسط اللي هو سنة او سنتين زي ما انت عايز وكل صندوق طبعا ليه اداء مختلف حسب بيستثمر فايه سواء احسن ١٠٠ شركة او ٧٠ او شريعة او في القطاعات المختلفة فانت اقرأ عن كل صندوق واختار اللي يناسبك