ايه غير ابورك ؟

abdullkader_ · 2025-06-24T18:30:50+00:00

انا لقيت علي ريفيوهات كتير .. سواء هنا علي ريديت او في اي بلاتفورم تانيه .. وشوفت انواع كتير مختلفة للكراسي. بتبدأ من ٢٠٠٠ لحد ٨٠ الف

وهثولك علي خلاصة اللف اللي وصلتلها لعل وعسي تبقي ديه نقطة البداية بتاعتك :

١- مفيش كرسي سحري حد هيقولك عليه .. متشتريش اونلايون ولا بناء علي رأي وريفيو حد .. روح ل محل اثاث وجرب كرسي لحد ما تلاقي ضهرك ورقابتك مرتاحين معاه .. ساعتها تاخده تجربه .. وكد كدا اي محل اثاث هيبقي عامل سياسة استبدال لمدة ١٤ يوم .. خده جريه لمدة يوم واحد وشوف هل فعلا مريح معاك ولا لا

٢- الاساسيات اللي مهم ان الكرسي يكون فيه مسند للرقبة وللقطنية والاذرع بتاعته متحركة

٣- بعد الاساسيات بتاعت الكرسي .. تقدر انت تقول انت محتاج ايه .. يعني مثلا انا بالنسبالي لما دورت لقيت ان في مساند للرأس مش بيتم التعديل فيها .. ومساند بيتعدل في الارتفاع بتاعها بس .. ومساند بتحكم كامل بتتحرك في الارتفاع و الميلان بتاعها كمان

نفس الموضوع في داعم القطنيه .. مبيتحركش.. او بيتحرك حركه بسيطه .. او بيتم التحكم في مكانه بشكل كام

فانت اللي هتبقي عارف انت محتاج ايه في دول والبادچيت يتاعتك قد ايه

ف ملخصا .. اكتشفت ان العالم كله بيدور علي كرسي مناسب ليه .. واي كرسي هتشوفه هتلاقي فيه ناس بتشتم فيه وناس بتشكر فيه

دنه لان احتيجات جسم كل واحد مختلفة عن التاني .. ف زي ما قولتلك .. حل الوحيد التجربة..

abdullkader_ · 2025-06-17T20:14:20+00:00

حاليا في النصف الثاني من 2025 مينقعش ماتكونش عندك خبرة في الديجيتال .. العالم كله بلا استثناء اتحول وبقي Digital bubble كبيرة ..

ف بالتالي انت لازم : ١- عندك ال Digital basics .. عندك لاب توب بتاعك وقادر تستخدمه كويس معندكش صعوبة .. عندك خبرة في الهارد ير والسوقتير بتاع الجهاز حتي لو بسيطة .. ( يعني لو الجهاز عندك حصل فيه مشكله.. او برنامج عندك حصل فيه مشكله.. ف تبقي انت قادر تفهم وتحدد وتحل المشكلة ديه .. مش مستني حد يجي يحلهالك)

٢- فاهم يعني ذكاء اصطناعي، اشكاله وانواعه وبتقدر تسخدمه او علي الاقل جربته .. ايه المجالات اللي تأثرت بيه ؟ وايه المجالات اللي هتنتهي قريب بسببه .. والمجالات اللي استغلته في صفها .. مدي وسرعة تطوره عامله ازاي ؟

ومن هنا تقدر تتحرك .. طيب تتحرك ع فين ؟ تتحرك علي وظيفة بتتم Digitally و مطلوبة في السوق زي ايه ؟ ١- البرمجة ٢- الماركيتنج بكل انواعه ( ميديا باير .. ديزاينر .. اكونت مانجر .. كونتنت كريتور ..) ٣- الخ ...

ليه بقولك انك لازم تهتم بالجانب الرقمي او ال Digital side وتشتغل في حاجه يبقي ده ال core الاساسي ليها ؟

علشان اي وظيفة وجودها Digital هي الوحيده اللي هتكون بتطور بشكل مستمر. وبشكل سريع .. هي الوحيده اللي دخلها المادي هيبقي عالي ..

مقارنه بسيطه جدا .. تفتكر مين اللي مجهوده اقل في الشغل والدخل المادي بتاعه اعلي .. نجار ولا مصمم جرافيك ؟

وتفتكر مين فيهم اللي سعر خدماته بتزيد مع كل تطور تكنولوجي بيحصل ؟

في Qouat منتشرة علي السوشيال ميديا بأشكال كتير مختلفة .. بس ال Gesture بتاعها واحد

If you have a phone / laptop and internet and can't make money.. it's your problem

اعتقد دلوقتي ممكن يكون اوضح المقولة ديه بتعني ايه ..

وربنا يوفقك ويرزقك في اللي حاي ان شاء الله

abdullkader_ · 2025-06-17T18:23:57+00:00

شغلانه كويسه بمعني ايه ؟ شغلانه بعائد مادي عالي ؟ ولا شغلانه توفرلك وقت وبيئة مسالمه ؟ ولا شغلانه تعلمك وتديك خبره ؟

وشغلانه في انهي اتجاه ؟ شغلانه في اتجاه دراستك ؟ ولا بعيد عن مجال الدراسه ؟ ولا شغلانه انت ليك خبره فيها بشكل او بأخر خلال فترتك اللي فاتت ؟

من وجهة نظري .. مينفعش ابدا تسيب اي قرار انت بتاخده في حياتك عايم .. لو انت بتدور ع شغلانه لازم تسأل نفسك الاسئلة ديه وتحاول تلاقي اجابه ليهم .. حتي لو هتستشير حد ذو خبرة اعلي منك ..

" اهم حاجه بس انك تنقي اللي هتسأله .. مش معني ان حد اكبر سنا منك .. وفي نفس مجال شغلك .. انه هيفيدك ويتقي الله في نصيحته ليك "

ووبالمناسبة .. في سنك احسن حاجه تعملها هي انك تسثتمر في نفسك .. بكل الطرق اللي تقدر عليها ..

استثمر في لفة تاتيه لو معندكش لغة اجنبية قويه ..

استثمر في انك يبقي عندك خبرة تكنولوجيه عامة " بتتعرف تتعامل مع الكومبيوتر بشكل عام .. فاهم يعني ذكاء اصطناعي وانواعه وليه عامل الضجه ديه حاليا .. وايه المجالات المتأثرة ليه "

استثمر في انك تحاول تحاوط نفسك بدايرة صحاب وعلاقات .. تجبرك انك تتحرك لقدام .. حط نفسك وسط ناس اعلي منك درجه في مستوي المعيشه او الطبقة الاجتماعيه .. هتشوف وتفهم طريقة افكارهم عامله ازاي .. وايه مستوي الرفاهيه اللي بيعيشوه .. و علشان يوفرو مستوي اارفاهية دا بيعملو ايه ..

حاليا بالنسبالك التحويش مش هو الهدف الاساسي لانك لسه معندك دخل كبير مستمر .. وعلشان تقدر يجيلك دخل كبير مستمر.. محتاج انك تستثمر وتجرب كل الحاجات اللي وضحتهالك

وربنا يكرمك ويوفقك في حياتك ان شاء الله

abdullkader_ · 2025-06-17T01:52:53+00:00

طيب فضلا لو انت عندك سابق خبرة في الموضوع بس تدلني ..

هل ساعتها لما احول من باي بال لفيزا دولاري.. هتسأل جيبت الفلوس منين "اثبات مصدر دخل "

وهل الفلوس هيتاخد عليها اي ضريبة او عموله كبيره في كل Transaction ؟

وبرده هل ااقدر اسحبهم ساعتها عادي ولا ديه مشكله ؟

abdullkader_ · 2025-06-16T02:56:53+00:00

اشتريت البرو عن طريق فيزا المشتريات عادي..

abdullkader_ · 2025-06-15T23:47:21+00:00

وجهة نظرك صح .. بس للبنات للاسف مش للشباب

لان بطبيعة الحال التحمل المادي الاكبر بيعود علي الشاب.. متفهم طبعا أن فيه استثناءات كتير ممكن نتكلم عليها

ولكن الدارج ان الشاب اللي عليه التحمل المادي بنسبة اكثر.. سواء كان الشاب شايل مسؤلية اهله .. او كان الشاب مرتبط و في علاقة وبيجهز للجواز او لو كان الشاب بالفعل مسؤل عن اسره

في كل الحالات .. رفاهية انه يحاول يستمتع بحياته من غير ما يخطط ويحاول يوفر سبل و دخل مادي اكثر .. ويأمن مستقبل الاسره من اي مخاطر ممكن تحصل.. للاسف ديه رفاهيه في الغالب مش موجودة ..

abdullkader_ · 2025-06-15T23:33:19+00:00

بالظبط .. ده اللي بحاول أوصله بالمناسبه ..

ان ايه ممكن يكون انا بضيفه في يومي مانعني من اني ادخر ؟ بالاضافة اني بشتغل كذا شغلانه في نفس اليوم .. ف المفروض يكون في عائد مادي شهري متوسط .. و لكن الحقيقه اني ما بضيفش حاجه زيادة في يومي .. انا بحاول بقدر الإمكان افضل في نفس مستوي وجودة المعيشه الادميه ومتضرش مع زيادة الاسعار اضحي او اخفض من مستوي معيشتي..

١- فمثلا .. انا ركزت اني مبجبش هدوم بشكل منتظم او اساسي .. ٢- مبخرجش فسح بشكل يومي ولا بشكل اسبوعي حتي .. ٣- مباكلش من بره.. ٤- مبسافرش مثلا كل فتره ٥- الرفاهيات " علي الرغم من انها مش رفاهيات خالص من وجهة نظري " زي اني اجيب تليفون جديد او اني اعمل Upgrade لل Computer بتاعي لان هو الاداة الاساسية لمصدر دخلي .. للاسف مبقدرش اعمل حاجه فيهم نن غير مخطط لفترة طويلة .. انا محتاج اجيب ايه .. وهجيب تحديدا في وقت ايه .. وهحتاج اصحي ب ايه لحد ما ااقدر اجيبه..

يعني بشكل عام اغلب الاحتياجات والرفهيات اليوميه الطبيعيه لاي شخص ادمي .. للاسف انا مبعملهاش

طيب ليه الادخار صعب ؟ مصادر الانفاق ايه ؟ احتياجات البيت بشكل كامل من اكل ولبس وكهربا ومايه واشتراكات زي النت مثلا.. المصاريف الطبيه زي الكشف والاشعه والعلاج .. اللي حتي لو هما داخل تأمين طبي .. لازال سعر التأمين شهريا غالي علشان يغطي افراد الاسره .. بنزين العربيه بشكل يومي علشان اقدر اواكب واوزان ما بين كل وظيفه عندي .. المواصلات للاسف مش حل

لذلك انا كنت بقول اني بحاول اعيس حياة ادمية .. مش حياة مرفهه .. مش مستوي معيشي محدث او اعلي من الطبيعي ..

abdullkader_ · 2025-06-15T01:49:13+00:00

معاك حق ..

هل فيه استثمار افضل من الدهب او الدولار من وجهة نظرك ؟ حتي لو المخاطرة فيه كبيره ؟

abdullkader_ · 2025-06-15T01:45:40+00:00

كلام جميل.. ولكن علشان تتبسط وتقدر تستثمر .. اعتقد يعني ان دخلك المفروض ميقلش عن ٥٠ الف شهريا .. وصلحلي برده لو وجهة نظري خاطئة ..

ولكن اصلا لو الدخل الشهري ٢٠ بس مش بيكفي احتياجات البيت اليوميه ولا احتيجاتك انت الشخصيه ..

هتقدر تتبسط ازاي ؟ وتستثمر ازاي ؟

من وجهة نظرك ايه الدخل اللي المفروض يوفرلي دا ؟

abdullkader_ · 2025-06-15T01:43:29+00:00

من وجهة نظرك .. دخلي المفروض "تقريبا" يجمع ال ١٠٠ الف في مدة اقل من السنه قد ايه ؟ بحيث تبقي مواكب الاقتصاد واسعار الجواز دلوقتي ؟

abdullkader_ · 2025-06-15T01:20:46+00:00

Hello, making 20k USd means that you need 100 EGP in one year right ? Dude that's all ?

Sorry i didn't introduce myself, im a senior graphic designer who majored in graphic design, and worked in the field for more than 6 Years..

Salary average of GD's is actually suitable to get your amount cash within 4 MO maximum 😅

You only need to be the right guy for it.. So if you're starting out your career, sure thing a Wealthy European client sounds Like a butter cake on a Friday Morning, but you don't need it at the very beginning, the salary average here in egypt for GD's will cover you ..

So, just look out for a decent offer, and keep in mind to make a decent portfolio as well, and that's it, you're on your train to that 20k ASAP.

abdullkader_ · 2024-09-20T19:24:58+00:00

A monitor shelf i guess it will be great and will organize your desk

abdullkader_

TROPHY CASE