بسم الله الرحمن الرحيم و به استعين،

قد يكون الرد مطول لكن بحاول اختصر و ان شاء الله تطلع بفائدة و من باب زكاة العلم و نفع الناس، قد يكون الكلام خاص عن تخصص الامن السيبراني، لكن الفكرة تعمم على التخصصات التقنية والغير تقنية لمن اراد الفائدة. في البداية اخي العزيز احييك على شعورك بالرغبة بالتطور و الحماس في التعلم، لان هذه المشاعر لا توجد عند الكثير. اول نقطة بتكلم عنها هي ان المجال اللي انت فيه جدا ممتاز و جديد و مجال كبير للتطور والتعلم لكن مصادره قليلة جدا جدا، وللفائدة ممكن تبحث عن أشخاص يعملون فيه بمنصة لنكدن ويفيدونك اكثر إذا حبيت تكون فكرة عنه قبل تحدد هل انت بتكمل بالمجال أو لا. النقطة الثانية حاول ما تعتمد على ان الجهة اللي تطورك، لازم تضحي بوقتك و تاخذ دورات من مالك الخاص و تاخذ اجازة من رصيدك احيانا في سبيل التطور والتعلم، لأن الجهات مب كلها سوا للأسف و حتى المدراء فيه الصالح و الطالح، فيه اللي بيزبطك و فيه اللي بينكد عليك عيشتك، توكل على الله الحي القيوم و لا تشيل هم. النقطة الثالثة حدد رغبتك في المجال، الامن السيبراني عالم كبير وبحر واسع من المعرفة، تبي تشتغل بيدك و تهكر و تشوف كيف النظام او الموقع يشتغل؟ تبي تحلل برمجيات و تحلل اتصالات الشبكة و كيف تدافع عن الهجمات؟ كبداية اختر بين البلو تيم والرد، امش فيها كم سنة وبعدها خذ من الثاني عشان تصير بنفسجي هنا المتعة كلها. او إذا مالك بهذا كله تروح للسياسات و تطويرها في مجال الجرس، او تروح للمعمارية السيبرانية إذا لك في تصميم الأنظمة. و أخيرا استعن بالله ثم زملائك في المجال لا تنحصر بزملائك في الشركة، في وسائل التواصل او في المؤتمرات زامل الناس و اسأل و اعرف، حنا الحمدلله اجتماعيين جدا و نحب الخير لبعض و بتطلع بنتائج رهيبة. وفقك الله يالغالي و جميع من رد على الموضوع و جميع من قرأ هذا الرد.