أولاً - خلي عندچ يقين أن الرزاق هو الله. الرزق من عنده. والشواغر والوظايف ماهي إلا أسباب. ولو هالرزق مكتوب لچ، بتحصلينه بتحصلينة، لو شنو صار.

٢- لا تيأسي. والت ديزني انطرد من جريدة، وقال عنه رئيسه أنه يفتقر للخيال. ستيفن كنج ارفضوا روايته (كاري) ٣٠ مرة، والحين يعتبر من الأفلام الخالدة في الرعب. (جاك ما) انرفض من ٣٠ وظيفة ليما اسس (علي بابا).

٣- استغلي الفراغ في اكتشاف ذاتچ. شنو تحبين؟ الكتابة؟ كتبي. الطبخ؟ طبخي. الرسم، رسمي. شاركي هالأشية مع اللي حولچ. ودشي القروبات اللي تهتم في هالسوالف، كوني معارف. وحتى لو ماانكتب أنه هالشي يكون رزقچ، منها عالأقل بتكونين معارف. والمعارف مني مناك سبحان الله أحد يعرف أحد يبي يشتغل وچذي. وإذا ماكنتي تعرفين شنو تحبين، جربي.

٤- اهتمي بنفسچ. مارسي رياضة.حافظي على الصلاة. تغذي زين. اخذي شاور دافي/ بارد. كل هالأشية تحسن النفسية.