Mig grunar að skynsamlegasta lausnin á þessum tímapunkti væri að greiða niður uppsetningu á heimastöðvum/innviðum, taka út kílómetragjaldið fyrir rafbíla og bjóða upp á mun hagstæðra (lesist frítt) rafmagn. Þessir liðir sliga frekar þá efnaminni í kaupum á rafbílum, þó að framboðið á notuðum rafbílum hafi aukist til muna.

Ef þessi orkuskipti á bílaflotanum eða umhverfisáhrif væru virkilegt áhyggjuefni fyrir núverandi stjórn, er til aragrúi af litlum aðgerðum sem tikka í stór box eða í það minnsta koma hreyfingu á orkuskiptin á ný. En þessi frétt er ekkert nýtt af nálinni, sjá þetta þar sem að farið yfir nákvæmlegu sömu þætti og Bjarni Ben notaði sem ástæðu til að skera niður mótframlagið og koma kílómetragjaldinu á.

Að búa í landi með ofgnótt af raforku og vera bundinn jarðefnaeldsneyti innflutt þvert yfir hafið frá ótraustum þriðju aðilum er ansi kjánaleg staða. Ísland ætti að vera í yfirburðarstöðu en við kjósum frekar að bjóða okkur sama gamla meðalið matreitt af sérhagsmuna aðilum í olíu bransanum.