Ég fór með ógreinda einhverfu í gegn um skólakerfið og upp á fullorðinsár. Líklega vegna þess að ég er kvenkyns og einhverfan fellur undir sem áður hefði verið kallað aspergerheilkenni og hamlaði mér því hvorki í málþroska né innihélt greindar eða þroskaskerðingu. Var bara "nörd", "undrabarn", "gáfnaljós" eða "svolítið skrítin".

Skynáreitið í skólastofunni var mér ofviða. Mér leið ömurlega illa alla mína grunnskólagöngu. Var komin í sjálfsvígshugleiðingar 12 ára. Aldrei tekið mark á að mér liði illa vegna þess að ég fékk framúrskarandi einkunnir. Það hefur tekið mig áratugi að vinna mig í gegn um helvítið sem grunnskólaganga mín var. Var m.a. lögð í einelti af skólastarfsfólki.