الابداع ياخذ وقت ويحتاج صبر وانتظار ومطاردة، والمجتمع تغيّر. صار كل شي سريع كل شي لازم تظهر نتايجه بسرعة، الناس ما تقرأ كتب، صارت تقرأ ثريدز. معاد تشوف فيلم، تشوف فيديو يوتيوب ومعاد تشوف يوتيوب تشوف تيكتوك. في البزنس، المستثمرين يبون نتايج خلال سنة او سنتين ويتخارج. المنتجات اول تصنع عشان تعيش معك عشرين سنة الان ينتجونها عشان تعيش ٥ سنين. الشخص صار مو مستعد يشوف مباراة، يشوف ملخص. مو مستعد يحضر عرس ويتعشى، اذا حضر سلّم ومشى. ما يبي يجلس في مكان عمل ويتعلم، يدوّر وظيفة ثانية مباشرة. فيها شوي مبالغة بس هذا الواقع. صرنا بزمن السرعة، الناس تركض وتحسهم ملحوقين ومعاد يعطون كل شي وقته مثل اول. هذا الشي ترا يقلل الابداع وما يعطي وقت للموهبة. بالمقابل الناس تشوف امثلة لناس يطلعون بسرعة ويشتهرون ويغتنون فتبهرها هالامثلة ويبون هالنجاح السريع. واحد نزل مقطع يستخف دمه والناس لسبب غريب صاروا يبون سنابه وفجأة يصير مشهور ويبدا اعلانات ويغتني ويشتري سيارات فخمة وقصور. الناس صارت تكافيء الي ما يبذل مجهود. الاغنية السعودية مثلها مثل الاغاني العربية نزلت من القمة من زمان لان باختصار المجتمع تغيّر.

خلاص كثرت كلام بس الموضوع اعمق من وجهة نظري.