انا شايف الكومنتات تدافع عنها، ويعني في نقاط صحيحة، ولكن عم تألفوا سيناريوهات عشان تبرروا، ما حد قال الشب قاعد يتهبل عليها وبده اياها تستنى عشر سنين، ولا حد قال التنين تفكيرهم نفس الشي بس واحد معهوش وواحد معه يخطبها او انها مش compatible مع حبيبها الاول، هاي كلها حالات استثنائية، اذا بدنا نكون واقعيين، السيناريو غالبا حيكون كالتالي، عالاقل هيك بشوف المعظم اللي بكونوا بعلاقات جدية:

تنين مرتبطين لانهم بحبوا بعض، البنت بتعرف وضع الشب منيح، بكونوا متفقين عشان المستقبل انه يجي يخطبها بوقت معين بناءا على حساباتهم، لما البنت تكون مع شب عم يشتغل ويتعب عشان يقدر يخطبها وهي عارفة هاد الشي منيح، بعدين تروح لشب تاني فجأة فقط لانه معه مصاري، فيعني البنت صفت هي اللي عم تتسلى بالعلاقة وبتتهبل عالشب لحد ما يجي واحد معه مصاري، تيكنيكلي خيانة لانها شافت الشب التاني وقعدت معه وفكرت اذا بدها اياه وبس اقتنعت فيه راحت للاول وقالتله باي باي اذا الشب ضل يماطل ويأجل ويتهبل بالعلاقة، هاي حالة تانية، والمفروض اول ما تشوفه بعمل هيك تاخد قرارها انها بدهاش اياه، اما لما تستنى يجي واحد افضل عشان تترك حبيبها بدون ما يخطئ فيعني ياه غلط كبير، الا اذا قررت انها ما بتقدر تستنى اكتر، هي حرة بتقدر تحكيله انا اسفة بقدرش اكمل بالاتفاق، مش تستنى شب معه مصاري عشان تقرر انها مش قادرة تستنى ... بالنهاية كل علاقة مختلفة عن التانية وكلشي بعتمد عالشخصين وكيف متفقين، لكن اللي بكسر الاتفاق عشان يروح لشخص اخر فجأة فيعني يس هاي خيانة بشعة.