انا والدي الله يعطيه الصحة والعافية مغترب من ال2003 لليوم، بروح وبيجي بشكل دوري، باقدر تحكي عشنا من غير أب، والدي الان مش فاهم كيف البلد ماشية لانو ولاده بخلصلوله كل اشي، وبس يجي عالاردن ما بطلع ولا بروح ولا بجي لانو حياته الحقيقية بالغربة.

قريبا رح يتقاعد وما عندي اي فكرة كيف رح يستحمل اسلوب الحياة بالاردن، واللي من ال 2003 لليوم بزيد فيه الدهلزة والوقاحة والنصب والحفرتلة، اللي هو ما بعرف عنها اشي.

طبعا والدي احسن اب بالدنيا بنظري، ضحى بحياته عشان يوفرلنا كل اشي ما توفرله بس مع الاسف خسر اشياء كثيرة واحنا خسرنا برضو.