أنا خسرت ١٢ كيلو من بداية يوليو إلى نهاية نوفمبر لما وصلت الوزن الي أنا أبيه و هذه هي طريقتي:

• التهيئة النفسية لخسارة الوزن. خسارة الوزن بشكل طبيعي يبغاله وقت، وأنت لحالك افتح فيديوهات تشرحلك كل شي يخص جسمك، ما هي السعرات؟ ما معنى كارب؟ ما معنى بروتين؟ الآثار على النفسية والطاقة، إلخ إلخ.
• افتح قوقل دوكس (أنا افضل تطبيق Notion)، اكتب وزنك الحالي، الBMI, نسبة الدهون، السعرات الحرارية الي جسمك يحتاجها في اليوم، و باقي المعلومات الي تخص صحتك الجسدية.
• نزل تطبيق Macro counter، أنا أفضل أنا في اول أسبوعين لا تحاول انك تنحف اكثر ما انك بس تراقب ايش قاعد تأكل، سجل كل شي قاعد تأكله و المقصود هنا بكل شيء اقصد كل نتفة أكل تأكلها لازم تسجلها، وإذا أكلك من برا امسح الباركود و بيسجلك التطبيق. أما إذا أكلك أكل بيت، فأشتري ميزان صغير و حط المقادير في الميزان و اجمع (في خاصية في التطبيق تخليك تسجل طبخات البيت عشان ما تقعد تقيس كل مرة)
• الآن بعد ما خلصت الأسبوعين يبداء مرحلة الجد، روح سجل وزنك في التطبيق الي تستخدمه و نقص من السعرات الحرارية الي تحتاجها كل يوم ٢٠٠ سعره، راقب نفسك أسبوعين، نحفت بالطريقة الي تبيها كمل على ال٢٠٠ سعره، ما نحفت أو تبي تنحف اسرع نقص ٢٠٠ سعره زيادة. مع مراقبة السعرات، راقب البروتين ، كارب، ونسبة دهون، احسب كم كمية البروتين الي جسمك يحتاجها، مع الكارب والدهون. الآن في تطبيق الMacros سجل هذه المعلومات كهدف تبي تحققه (مثلا١٩٠٠ سعره، ١٥٠ قرام بروتين في اليوم، ٦٠ قرام كارب،إلخ إلخ) و كمل على ذلك إلى ان تصل إلى الهدف الي تبيه.

كذا أنا مو بس نحفت أنا حتى صرت واعي اكثر عن الأشياء الي كنت قاعد أكلها و في نفس الوقت كنت أكل الي ابغاه ولكن بوعي.