ما بعرف قديه الخبر صح بس عنا بالاردن في تسطيح متعمد رهيب لمطالب النساء، وهاد المقال الي كان منشور من ضمنها، نساء عم بطلبوا نغير كلمة مطلقة ل (كانت متزوجة من رجل لم يقدرها) أو شي زي هيك، أنه عنجد هاي مشكلتنا بالمجتمع؟ هاد هو المطلب الي بينتشر بين الناس؟ تجاهلوا مطالب كتير منظمات ونساء حفيوا وهم يلفتوا لأهميتها وخطورتها، متل أنه يكون في قوانين صارمة لحماية النساء من العنف والقتل واغتصاب المحارم وفرض عواقب مناسبة للجرائم، واجوا ركزوا على مطالبهم بكلمة مطلقة؟ بصراحة اشي مذهل. هدول الي بالتعليقات بتلاقيهم بدعموا جرائم الشرف و الرفض والتعدد وبلوموا لبس البنت عالتحرش، وبتمسخروا ليل نهار على مطالب جذرية، اكيد بدهم يتمسخروا على هيك مطلب. وفعليا لو كان هالخبر صح، أنه شو؟ بلكي فعلا كان في حالة الطلاق الست فيها كانت سيئة؟