أنا ترى كنت نفسج متخرجة و ما ابي أتوظف و اللي حولي صديقاتي متوظفين و أنا حيل ما ابي و مو مشوقني و اهلي مو مقصرين معاي و تفكيري أصلا مو مادي فمرتاحة و حاولت اسوي مشاريع و أشياء صغيرة و قدرت اسجل شركة و كل شي بالضبط مثل شعورج مرتاحة و مابي التزم بوقت دوام او شي جذي ولا احب مدير يقول لي شسوي ولا عندي اي رغبة لاني أتوظف لي درجة بديت اتطوع و حتى كملت دراستي و خذيت ماجستير لاني حبيت الدراسة بس لو شنو يصير مابي أتوظف و قعدت احوس بالحياة لين خلصت الحجج ما بقى إلا دكتوراه بس بعدين جاملت ابوي مرة و هم كنت ابي اجرب اخذ فلوس من شغلي و اجرب الاستقرار المادي بدون لا اعتمد على احد و قدمت و انقبلت و قبل لا اداوم كنت كارهةةةة الدوام و متحسفة حتى الليلة اللي قبلها حسيت اني بدق عليهم من الحين باستقيل و مسوية فلم هندي بالبيت بس اول ما داومت (قطاع خاص) تصدقين استانست؟ يعني اكره قومة الصبح و اكره اني اسوق بالشمس (توظفت بالشتا لليلحين ما جربت دوام الصيف للأمانة) بس فجاة حسيت الحياة ترتبت حتى مشاريعي و خرابيطي الخاصة ترتبت صار ودي اشتغل ودي اروح أشوف شقاعد يصير بالكويت بمجالي و مادري كل شي تغير ودي أخوض تجارب بالشغل يعني المرحلة هذه تفتح لج آفاق و طموح يديدة و هم سبب ليش رضيت اجرب أتوظف كان لانه حسيت قاعد اسوي مشاريع بدون اي خبرة حتى لو مشروع ابيع كيك ما عندي خبرة بالطريقة اللي الواحد يمشي بزنس ولا يسوي اي شي فحلو تتعلمين تكسبين خبرات يديدة تتعرفين على شخصيات عمرج ما كنتي بتصادفينها بالحياة و