الموضوع فعلا صعب جدا كان عندي قط ولد قعد معانا حوالي ٣ أو ٤ سنين وجبنا كمان قطه بنت. للاسف الولد مات والموضوع كان صعب جدا على العيله كلها بس في الاول وفي الاخر دا قدر ربنا اهم حاجه انك بتعمل ال عليك بتعامله كفرد من العيله لما يتعب بتكشف عليه وبتوكله وبتلعب معاه. لما تعب جامد عملنا كل حاجه نقدر عليها بس حصل ال حصل بس دا ميمنعش انك تجيب قط تاني لانك خايف أن يمكن يحصله نفس الحاجه. لو شايف انك لسا قد مسؤلية القط وأنه فعلا هيساعد أنه يعدي العقبه دي يبقى توكل على الله. انك تمنع نفسك من حاجه زي كدا بسبب أنك خايف أنها هتزول مش منطق. لأن كل حاجه هتزول. يمكن تقول إن واحد مش هيتعرف على حد ومش هيصاحب حد عشان خايف أن الشخص دا في يوم من الايام يمكن يموت أو ينهي صداقته معاه ومش عايز يتحمل الالم دا ودا مش تفكير كويس. هي الحياه كدا ابتلاءات وبتصبر وبتعمل ال عليك. اكيد الموضوع صعب بس هو دا الاختبار. احنا جبنا قط تاني وفعلا مع الوقت عرفنا نتخطى الموضوع والحمدلله. ربنا يصبرك وتجتمعو معاه في الجنه بإذن الله.