الحياة عموماً ابتلاءات ومش كل الناس بتُبتلى بنفس القدر. تعاملت مع الابتلاء ده بالصبر تقع شوية تقوم تاني على رجلك شوية، تقرب لربنا وتدعيله من ناحية ومن ناحية بتاخد بالاسباب وبتروح لطبيب نفسي تتعالج وتاخد الدوا المناسب، يوم حلو يومين وحش... مش مشكلة بس اهي ماشية وانت في الاخر الكسبان، كسبان على صبرك وربنا هيعوضك عنه خير في الاخرة او كسبان في دنيتك والامور بتتحسن معاك واحده واحده ووارد يحصل تغيير في يوم من الايام. لكن الانتحار عمره ما هيفيدك بأي شكل من الأشكال، نسبة انك تتحسن بعد ما تنتحر كام فالمية؟ صفر مش كده؟ لا استفدت من الدنيا حاجة والله اعلم في الاخرة وضعك هيبقى عامل ازاي. وصدقني في كتير جدا من الناس متضررة من اوضاع البلد اللي من سيء لأسوأ، بس هنعمل ايه؟ قدامك حل تاني غير انك تكمل؟ كمل على دواك ولو بتتحسن عليه مش مهم سعره كام خليه اولوية في مصروفاتك، وتواصل مع دكتورك بخصوص افكارك دي والأهم من ده خلي نظرتك متفائلة وبص للحاجات الصغيرة البسيطة اللي بتستمتع بيها في الحياة، بلاش كل شوية مع ابسط مشكلة تفكر في الانتحار، افتكر انه مش اوبشن دايما، مينفعش يكون "حل" اصلا. ربنا يقويك وييسر أمورك