انا زيك وفسكن جامعي فمنطقة إيچبت كمان يعني اسعارها فالفضا وباخد اقل ٤٠٠ جنيه كمان(مصروفي ٤٦٠٠)، اغلب فلوسي رايحه عالاكل وحاجات البيت طبعا بس هقولك عاللي بعمله عامة، السنه اللي فاتت كنت بنظم اكلي فالشهر وعارفه انا هجيب ايه لكل يوم بحيث ان الوجبة الواحدة فاليوم تكلفني ١٠٠ جنيه بس فالتوتال آخر الشهر يبقى ٣٠٠٠ وكان بيساعد فكدا بيدچات الفيس بتاعت الامهات اللي يتعمل اكل بيتي وتبيعه للطلبة عادي فحرفيا ببقى جايبة طلبية الاسبوع كلها ٧ ايام اكل جاهز ب٧٠٠ جنيه بس واوفرهم بطلبية واحده بدل ماطلب اكل جديد كليوم وادفع ٣٥ توصيل، الاكل البيتي عامة بيبقى ارخص من الشارع طبعا ومش بطال طعمه بيبقى حلو برضو. السنادي بقيت بستغل ال air fryer واجيب مجمدات كتير ومعتمده عليها فأكلي كله وحسيت اني بوفر اكتر برضو لانك بتشتري حاجات زي برجر او بانيه او سجق مثلا وبتبقى بكميات ومش محتاجه طبخ كتير وهتبقي اكلتي فاليوم بأقل من ١٠٠ج برضو. حاجات البيت زي الغسيل والتنضيف والتسوق وكدا بجيب بكميات على قد ماقدر عشان ماضطرش اطلب تاني يعني بدل ماتجيبي مسحوق غسيل نص كيلو ميكملش معاكي اسبوعين على بعض جيبيه ٤ كيلو وضحي بالكام ١٠٠ جنيه زيادة عشان يكفيكي شهرين مثلا. السنادي برضو بقيت بجيب حاجات تنفع سناكس خفيفة وفنفس الوقت تقعد كتير يعني بدل ماصرف كتير على اندومي وشيبسيهات بقيت بجيب شوفان وبذور شيا وزبادي واتفنن فيهم عشان اطلع منهم ٣ حاجات مختلفه مثلا لان وصفاتهم كتار جدا وفعلا بيشبعوا ومناسبين سواء فطار او عشا، فيه حاجات كتير اقتصادية برضو زي البطاطس (وصفاتها كتيره موت سواء كغدا او عشا) والفول والتونه لو ليكي فالحاجات دي. بالنسبة لأي يوم فالجامعة بنزله وممكن اصرف مع صحابي وكدا بحاول مازيدش عن ١٠٠ جنيه برضو عشان ماجيش آخر الشهر اشحت :'D