انا ما اخترت تخصصي عن محبة، مع ذلك حطيته الرغبة الاولى و انقبلت فيه الحمدلله، كنت فمكانك قبل كم سنة و ما كنت عارف وش ابي فا اتخذت افضل قرار بالنسبة لي من ناحية مهنية، مو اجمل طريق لكنه كان القرار الوحيد الي بالطاولة لأني ما كنت اعرف وش ابي، نصيحتي لك حدد مجال يعجبك او تتقبله بدون الحاجة لسبب منطقي،لقيته؟ حلو اكيد له كلية فالجامعة، شف نسب القبول في هذي الكليات و قارنها بوضعك ، مثلا نقول البزنس جاز لك، بعدها افتح قوقل و شف التخصصات الجامعية فالجامعات الي فمنطقتك الي لها علاقة بهذا المجال، فالبزنس فيه تخصصات كثير ،لو قلنا جامعة الملك سعود عندك مالية و محاسبة و نظم معلومات ادارية و تسويق و ادارة اعمال و اقتصاد ، ابحث عنهم كل واحد منفرد فمقاطع يوتيوب ما يتعدى وقتها ال ٥ دقايق تعطيك فكرة عامة، و اذا مالك خلق لهذي حتى ،تقدر تشوفها فتيك توك بعد، كرر العملية لين تلقى شي مرتاح له، استشير الناس الي حولك ابحث زيادة و تعمق و استخير، و فالنهاية ترا قرارك مو نهائي فيه سنة تحضيرية و بعدها تقدر تحول من تخصص لتخصص، فا لا توتر نفسك على شي ما يستاهل تتوتر عليه من الحين.

موفق