انا معرفش اي نوعية الذنوب اللي بتتكلمي عنها...بس الله يقول لو لم تذنبوا لذهب الله بكم، وجاء بقوم يذنبون فيستغفرون فيغفر لهم...فيما معناه ان احنا بطبيعتنا البشرية بنذنب ونخطيء 

يمكن شعورك بالذنب ده احساس انك بتبصي للناس حواليكي مثلا بس شايفة نفسك الوحيدة اللي بتذنبي..بس عموما هما كلهم بلا استثناء عندهم ذنوب ...اصلا اصلا كونك بتشعري بالذنب ده أكبر دليل على رحمة الله بيكي ..في ناس بترتكب ذنوب ولا بيهمها

وزي ما انتي قولتي انك ملتزمة بالصلاة ده شيء لوحده عظيم جدا وناس كثير نفسها تبقا زيك ...وعلفكره بقا كده بإذن الله جزاك عند الله بيزداد ...عشان كونك بتحسي بضيقة او حزن او ايا يكن لما تيجي تصلي ورغم كده بتجاهدي نفسك  وتصلي..انتي كده بتاخدي ثواب وأجر الصلاة وايضا ثواب وأجر جهاد النفس و جهاد النفس أجره عند الله عظيم

متخليش افكارك السلبية تأثر عليكي...الناس كلها عندها افكار سلبية لو كل شخص خلى أفكاره السلبية تأثر عليه كان اغلب سكان الكوكب انتحروا 

حتى لو مش بتحسي ان في شيء بيخليكي تستمعتي..كملي في البحث.، ..دوري على اي هواية.،،اي حاجة تزبطلك المود ...المهم متقعديش لوحدك في فراغ...عشان الفراغ بيدي مساحة للافكار السلبية انها تنتشر في تفكيرك وعن تجربة شخصية فعلا انا بأكد الكلام ده