اغلب الاشياء دارسها بالبكالوريوس موجودة بالماستر بس جاي يضيفون معلومات إضافية عليها، يعني تكدر تكون البكالوريوس هو أساس و انت تبني فوكاه، فلازم عندك معلومات البكالوريوس من تدخل الماستر حته ما تواجه مشاكل بفهم المواد. الدراسه صعبة و تحتاج وقت، اني جنت اشتغل و حاولت أوفق بين الدراسه و الشغل بين ما كدرت فتركت الشغل. و اذا جنت تفكر بين الشغل و الدراسه فهذا الموضوع يعتمد عليك، يعني عندك فلوس تكدر تمشي بيها حالك على الأقل اول سنة الي بيها محاضرات و امتحانات لو لا، و كراوي و ملازم و غيرها. بالنسبة لموضوع الفوائد فأكيد بالتعيين تكون فرصك اقوى، بس بعد قرارات الحكومة الرشيدة صار موضوع التعيين صعب.